ბრიტანული გამოცემების ცნობით, იურგენ კლოპთან ერთად 2024 წლის 30 ივნისის შემდეგ „ლივერპული“ შესაძლოა ტრენტ ალექსანდრ არნოლდმაც დატოვოს...

საყოველთაოდ ცნობილია, რომ ინგლისელი განაპირა მცველი იურგენთან საოცარ ურთიერთობაშია. ტრენტს „ენფილდისკენ“ გზა სწორედ გერმანელმა სპეციალისტმა გაუხსნა, ახლა კი კლოპი თავად მიდის.

ბრიტანელები იუწყებიან, რომ ფლორენტინო პერესი „ლივერპულში“ განვითარებულ მოვლენებს გამადიდებელი შუშით აკვირდება და ტრენტის ტრანსფერზე სერიოზულად ფიქრობს.

იან კოუტო და რის ჯეიმში „მერენგების“ რიგებშია არავის დავიწყებია, მაგრამ ყველა ერთხმად აღიარებს, რომ არნოლდი საუკეთესო ვარიანტია და მასში 60-70 მილიონის გადახდაც ღირს.

უნდა აღინიშნოს, რომ ინგლისელს „ლივერპულთან“ ხელშეკრულება 2025 წლის 30 ივნისს ეწურება, რაც იმას ნიშნავს, რომ თუ ახალ ხელშეკრულებაზე შეთანხმება ვერ მოხდება, ტრენტი მომდევნო ზაფხულს აუცილებლად გაიყიდება, სხვა შემთხვევაში, „ლივერპულს“ 1 წლის შემდეგ მისი გაშვება უფასოდ მოუწევს.������� dle 10.1������� ������� ������