არიბასი:„ახალგაზრდებისთვის „რეალში“ თამაში რთული არ არის“
მადრიდის „რეალის“ ყოფილის ფეხბურთელი, რომელიც ახლა „ალმერიას“ ღირსებას იცავს, სანტიაგო ბერნაბეუზე ითამაშებს. სერხიო არიბასს ჰკითხეს, რამდენად რთულია ახალგაზრდა ფეხბურთელისთვის „ბლანკოსში“ თამაში და თავის დამკვიდრება...
„ვერ ვიტყვი, რომ „რეალში“ ახალგაზრდებისთვის გზა დაკეტილია. ავიღოთ კამავინგა, ბელინგემი ჩუამენი, ვინი, ენდრიკი და სხვები. ვფიქრობ, მთავარი ტალანტი და ნიჭია, ამ შემთხვევაში „რეალში“ თამაშის საშუალება ნამდვილად არსებობს. არ აქვს მნიშვნელობა ახალგაზრდა ხარ თუ არა, თუ უმაღლეს დონეზე თამაში შეგიძლია, „ბლანკოსი“ აუცილებლად მოგცემს შანსს.“
„დიახ, წლების კასტილიას მოთამაშე მთავარ გუნდში არ დამკვიდრებულა, მაგრამ უნდა გავაცნობიეროთ, რომ ეს ძალიან რთული პროცესია.“
„„ალმერიასთვის“ ყველაფერს გავიღებ და ეს სწორედ „ბლანკოსში“ მასწავლეს. იმ გუნდისთვის უნდა იბრძოლო, სადაც თამაშობ და მაქსიმუმი გაიღო წარმატების მისაღწევად. ბერნაბეუ ჩემთვის უცხო სტადიონი არ არის.“
„ბელინგემის გამოსვლა ყველას გაუკვირდა, მათ შორის მეც. ინგლისელი ფეხბურთელი საოცარ ფორმაშია და დიდი მომავალი აქვს.“
„სამეფო კლუბის რიგებში დაბრუნება? დღევანდელი გადასახედიდან ეს ძალიან რთული ამბავია, რადგან ანჩელოტის განკარგულებაში არაერთი ტოპ კლასის ახალგაზრდა ირიცხება, თუმცა ერთ დღეს შესაძლოა ესეც მოხდეს.“
„შანსი ზიდანისგან? დიახ, ლეგენდამ შანსი მომცა, ის წუთები ძალიან ემოციური იყო, რადგან ჩემი ოცნება ახდა.“
- 21 იანვარი 2024
- 479
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
