მადრიდის „რეალის“ ფეხბურთელებმა „ალმერიასთან“ მატჩისთვის მზადება დაიწყეს.

დღევანდელი ვარჯიში კოკისპირული წვიმის ფონზე წარიმართა. „ატლეტიკოსთან“ დაპირისპირებაში სასტარტო შემადგენლობაში მყოფმა ფეხბურთელებმა დღეს მხოლოდ აღდგენითი ვარჯიშები ჩაატარეს, დანარჩენებმა კი კარლო ანჩელოტის ყველა მითითება შეასრულეს.

სესიაზე გამოძახებული იყო რამდენიმე კასტილიელიც, მათ შორიც ვინისიუს ტობიასი.

შეკრებაზე დიდი ყურადღება დაეთმო ბურთის ფლობას, პრესინგს, ტაქტიკურ მონახაზებს და სტანდარტულებს.

ლუკას ვასკესმა ტრავმა მოიშუშა და კოლექტივთან ერთად ვარჯიშობს. ასევე მწვანე მინდორზე გამოჩნდა ედერ მილიტაოც, თუმცა მას განსხვავებული პროგრამა აქვს.

ტიბო კურტუას და დავიდ ალაბას აღდგენითი პროცესი გრძელდება.

ხვალ „მერენგები“ კიდევ ერთ ვარჯიშს გამართავენ, რომელსაც დასკვნითი ხასიათი ექნება.������� dle 10.1������� ������� ������