ესპანური გამოცემების ცნობით, მადრიდის „რეალი“ „ატლეტიკოს“ წინააღმდეგ გარკვეული ცვლილებებით ითამაშებს.

გუნდი გადაღლილია, 2 მომქანცველი მატჩის ჩატარებისა და 6 საატზე მეტი ფრენის შემდეგ, ფეხბურთელებს ენერგიის აღდგენა ესაჭიროებათ.

„ლა კოპას“ დერბიმდე ცოტა დროა დარჩენილი, ანჩელოტი კი აცნობიერებს, რომ გუნდი ბოლომდე დასვენებული არ არის, სწორედ ამიტომ, გარკვეული ცვლილებები გარდაუვალი იქნება.

„მარკას“ ინფორმაციით, სასტარტო შემადგენლობას დაუბრუნდება ედუარდო კამავინგა, რომელსაც სუპერთასზე სრულფასოვანი დატვირთვა არ მიუღია. ასევე განიხილება ბრაჰიმ დიასის სასტარტოში დაბრუნებაც, რომელსაც სუპერთასზე ასევე მცირე დრო ჰქონდა.

ასევე ვრცელდება ინფორმაცია, რომლის მიხედვითაც, „როხიბლანკოს“ წინააღმდეგ მატჩში სკამზე დარჩებიან ლუკა მოდრიჩი და ტონი კროოსი და მათი მატჩში ჩართვა მეორე ნახევარში, საჭიროების შემთხვევაში მოხდება.

ანჩელოტი ასევე ითვალისწინებს, რომ „ლა კოპას“ დაპირისპირება შესაძლოა 120 წუთიანიც გამოდგეს, სწორედ ამიტომ გათვლების გაკეთება ძალიან მნიშვნელოვანი იქნება.������� dle 10.1������� ������� ������