ესპანური გამოცემების ცნობით, ფლორენტინო პერესი 2024 წლის ზაფხულში გასაშვებ ფეხბურთელებზე უკვე ფიქრობს, კარლო ანჩელოტის კი განსხვავებული მოსაზრებები აქვს.

იტალიელ სპეციალისტს ძალიან მოსწონს ფერლან მენდი და მიიჩნევს, რომ ფრანგმა გუნდი არ უნდა დატოვოს. მეტიც, კარლიტოს აზრით, ფერლანი გუნდთან ახალ კონტრაქტს იმსახურებს.

თავის მხრივ, ფლორენტინო პერესს განსხვავებული მოსაზრება აქვს და მიიჩნევს, რომ გუნდის მარცხენა ფლანგი ალფონსო დეივისმა უნდა გააძლიეროს. ამ მიდგომას ანჩელოტი არაფერს უწუნებს, თუმცა მიიჩნევს, რომ დეივისის ტრანსფერის შემთხვევაშიც მენდი გუნდში უნდა დარჩეს.

ანჩელოტი ნდობას კარგავს ფრან გარსიას მიმართ, რომელსაც საკმაოდ არასტაბილური სეზონი აქვს. უხეშად რომ ვთქვათ, დღევანდელი ფრანი „რაიო ვალეკანოში“ მოთამაშე ფრანისგან მნიშვნელოვნად განსხვავდება.

კარლოს აზრით, გუნდი გარსიამ უნდა დატოვოს და არა მენდიმ, პერესს კი განსხვავებული ხედვა აქვს.������� dle 10.1������� ������� ������