ანჩელოტი:„„ბარსელონას“ დამარცხება? ფორმულა მარტივია“
კარლო ანჩელოტიმ „ელ კლასიკოს“ წინ პრესკონფერენცია გამართა...
„გუნდი მოტივირებულია. ფეხბურთელები თავს კარგად გრძნობენ. 2024 წელს პირველი ტიტულის მოგებასთან ახლოს ვართ და ჩვენ აუცილებლად უნდა გავიმარჯვოთ.“
„ტონი კროოსს ვერანაირი ხმაური ვერ შეაშინებს, ის სათამაშოდ მზად არის. გულშემატკივართა მხრიდან აგრესიული რეაქცია მოსაწონი ვერ იქნება.“
„დანის არანაირი პრობლემა არ აქვს, ის „ბარსელონასთან“ ითამაშებს.“
„სასტარტო შემადგენლობა უკვე შევარჩიე, მაგრამ ახლა ამაზე საუბარს არ ვაპირებ.“
„ჩავი მსოფლიო ისტორიის ერთ-ერთი თვალსაჩინო ნახევარმცველი იყო. ვფიქრობ, მისი ხედვები ძალიან ჭკვიანურია და წარმატებებს მიაღწევს.“
„მოდრიჩი, კროოსი, ნაჩო და კარვახალი ყველა ახალგაზრდა ფეხბურთელისთვის მაგალითს წარმოადგენენ.“
„თუ ჩვენ „ბარსელონას“ დამარცხება გვსურს, ფორმულა მარტივია. საუკეთესო ფეხბურთი უნდა ვითამაშოთ.“
„თუ ვერ გავიმარჯვებთ, რა თქმა უნდა დამწუხრებულები ვიქნებით, მაგრამ ეს არ იქნება გადამწყვეტი.“
„კეპა არიზაბალაგა დავიმატეთ, როგორც სასტარტოს მოთამაშე, მაგრამ მას შემდეგ, რაც ტრავმა მიიღო და ანდრეი ლუნინმა შესაძლებლობები გამოავლინა, კონკურენცია გაიზარდა. ამ საკითხზე ბევრს არ ვღელავ, შანსი ორივე მოთამაშეს ექნება.“
„ოქტომბრის „ელ კლასიკოს“ შემდეგ ჩემმა გუნდმა ბევრი კომპონენტი გააუმჯობესა. ვიმედოვნებ, ახლა კიდევ უფრო ძლიერები ვიქნებით, ვიდრე მაშინ.“
„კატალონიურ გრანდთან დაპირისპირებისთვის ყოველთვის განსაკუთრებული მზადებაა საჭირო, რადგან „ელ კლასიკო“ დიდ ენერგიას მოითხოვს. ასევე დიდი ენერგია დავხარჯეთ „ატლეტიკოსთან“ მატჩში. გამოწვევა ძალიან დიდია.“
„„ელ კლასიკოს“ ფავორიტი არ ჰყავს, ამაზე საუბარიც კი ზედმეტია. მატჩში გამარჯვებულის ბედს დეტალები გადაწყვეტს.“
„სუპერთასზე „ბარსელონასთან“ დავმარცხდით, მაგრამ ახლა არა რევანშზე, არამედ ყველაფრის სუფთა ფურცლიდან დაწერაზე ვფიქრობთ. წლევანდელი გამარჯვებული „რეალი“ უნდა იყოს.“
„ზიდანის სტატისტიკის გაუმჯობესება? ის შესანიშნავი ფეხბურთელი იყო და სპეციალისტი დადგა. ზიზუ ძალიან დამეხმარა მაშინ, როდესაც „ბლანკოსის“ მწვრთნელად დავინიშნე. ფრანგი ნამდვილი ლეგენდაა.“
„ჩავიმ თქვა, რომ მოგება უყვარს? გამიკვირდებოდა, რომ ეთქვა მოგება არ მიყვარსო. ამაში მოულოდნელს რას ხედავთ?!“
„აქ მადრიდის „რეალს“ ძალიან ბევრი გულშემატკივარი ჰყავს. ვიმედოვნებ, „ელ კლასიკოში“ დიდ მხარდაჭერას ვიგრძნობთ და ფანებთან ერთად ვიზეიმებთ გამარჯვებას.“
„ფერლან მენდი? ის ჩემთვის მსოფლიოს საუკეთესო მარცხენა მცველია.“
- 13 იანვარი 2024
- 2956
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
