ბუტრაგენიო:„გუნდი მომენტს დაელოდა და გამოიყენა“
ინსტიტუციონალური ურთიერთობების დირექტორმა, ემილიო ბუტრაგენიომ ანჩელოტის შეგირდებისა და „მალიორკას“ დაპირისპირება შეაფასა...
„გუნდი მომენტს დაელოდა და გამოიყენა კიდეც. ჩვენ საკმაოდ რთულ მატჩს ველოდით და ასეც მოხდა. საახალწლო შესვენების შემდეგ კოლექტივის კონცენტრაცია მაღალ დონეზე მოხდა. მოხარული ვარ, რომ გავიმარჯვეთ და აქტივში მორიგი 3 ქულა ჩავიწერეთ. ეს მართლაც მნიშვნელოვანი მოგება იყო.“
„დაცვაში კარგი თამაში ბერნაბეუზე ხშირად არის წარმატების გარანტი, რადგან „რეალი“ საშინაო არენაზე ყოველთვის ახერხებს მეტოქის კარის აღებას.“
„რუდიგერი მართლაც საოცარ სეზონს ატარებს, ის ფანტასტიკური ფეხბურთელია, რომელიც ყველა მატჩში აოცებს გულშემატკივრებს. გერმანელის როლი „ბლანკოსის“ ამ სეზონის წარმატებაში ძალიან დიდია.“
„ახლა სამეფო თასზე უნდა გადავერთოთ. ეს არის ძალიან მნიშვნელოვანი ტურნირი, სწორედ ამიტომ ყურადღებით ყოფნა გვმართება. „არანდინასთან“ დაპირისპირებამდე დიდი დრო არ არის დარჩენილი, სწორედ ამიტომ კარგად უნდა მოვემზადოთ.“
- 4 იანვარი 2024
- 1355
- 14
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
