კარვახალი:,,ანჩელოტი დიდხანს უნდა დარჩეს, კვარა ძალიან მაღალი დონის შემტევია"
დანიელ კარვახალმა „ნაპოლისთან“ დაპირისპირების წინ პრესკონფერენცია გამართა...
„ძალიან კარგი მატჩი გამოვა, ამაში დარწმუნებული ვარ. შეტევითი ფუნქციების შესრულება შესანიშნავად გამომდის და გუნდს ფლანგიდან ყოველთვის ვეხმარები, მაგრამ ახლა მე ვიცი, რომ კვარაცხელიას დონის შემტევის გაჩერება მომიწევს, სწორედ ამიტომ განსაკუთრებული ყურადღება მმართებს.“
„კარლო ანჩელოტი საუკეთესო მწვრთნელია, მას სამეფო კლუბში ყოველთვის ჰარმონია შემოაქვს. თუ იტალიელი კონტრაქტს გაახანგრძლივებს, უბედნიერესი ვიქნები. მასთან კიდევ დიდი ხნით მუშაობა მსურს. თუ კარლიტო წავა, ჩემი რეაქცია შესაბამისი იქნება.“
„100%-იანი დატვირთვის მიღება რთულია მაშინ, როდესაც 3 დღეში ერთხელ თამაშის ჩატარება გიწევს. სანაკრებო შეხვედრები სიტუაციას კიდევ უფრო ართულებს. აღსანიშნავია, რომ საკლუბო სეზონის დასრულების შემდეგ ევროპის ჩემპიონატი იწყება, ეს ყველაფერი კი ფეხბურთელთა მხრიდან არნახულ რესურსს მოითხოვს.“
„ფაქტი ის არის, რომ მოთამაშეები, რომლებიც მოედანზე ხშირად არ ჩანან, ახლა კარგ შანსს მიიღებენ. გუნდში სერიოზული ტრავმიანობაა, ამიტომ რესურსი სრულფასოვნად უნდა ავითვისოთ.“
„„ნაპოლისგან“ უფრო მოტივირებულ და გაბედულ წინააღმდეგ ველით. ამ გუნდმა მწვრთნელი შეიცვალა და ახალ ისტორიას წერს.“
„„ბარსელონა“ ყველა ტურნირის ფავორიტია. მართალია, კატალონიურ გრანდს ლა ლიგაში საქმე გეგმის მიხედვით ვერ წაუვიდა, მაგრამ უნდა აღიშნოს, რომ მეოთხეადგილოსანი „ბარსელონას“ სხვაობა ლიდერ „რეალთან“ მხოლოდ 4 ქულაა, სწორედ ამიტომ ჩვენ მოდუნების უფლება არ გვაქვს.“
„ყველა მატჩში ბოლომდე ვიხარჯები და ვცდილობ საუკეთესო ფეხბურთი ვითამაშო. სწორედ ეს არის პროფესიონალიზმი.“
„ვულოცავ ლუნინს, მას საოცარი მატჩები ჰქონდა და კიდევ ერთხელ დაამტკიცა საკუთარი შესაძლებლობები. უკრაინელი კიპერის სახით საიმედო კარის დარაჯი გვყავს.“
„მივიჩნევ, რომ ანჩელოტი განვითარებას არც ახლა წყვეტს. იტალიელი პროფესიონალია და გუნდისთვის კიდევ შეუძლია დიდი სარგებელის მოტანა.“
- 28 ნოემბერი 2023
- 23471
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
