სიმეონე:„ჩემი გუნდი „რეალის“ დამარცხებას ეცდება“
დიეგო სიმეონემ მადრიდული დერბის წინ პრესკონფერენცია გამართა...
„ჩვენ ძალიან საპასუხისმგებლო მატჩის ჩატარება მოგვიწევს. მადრიდის „რეალი“ მარტივი მეტოქე არ არის, მაგრამ ამ გუნდმა უნდა იცოდეს, რომ „ატლეტიკო“ საშინაო არენაზე ყოველთვის 3 ქულის მოსაპოვებლად იბრძვის და გამონაკლისი არც ხვალინდელი დღე იქნება. ჩვენ ზუსტად ვაფასებთ ანჩელოტის გუნდის შესაძლებლობებს, თუმცა მზად ვართ, ბრძოლისთვის.“
„მსაჯის მიმართ ზეწოლა უნდა მოიხსნას. დიახ, ის ახალგაზრდა არბიტრია, მაგრამ დიდ გამოცდილებას ფლობს და არაერთხელ დაუმტკიცებია საკუთარი პროფესიონალიზმი.“
„მეტოქეს დიდი დანაკლისი აქვს. კურტუა და მილიტაო დიდ ძალას წარმოადგენენ. წინა ტურებში ანჩელოტის ვინისიუც დააკლდა, მაგრამ ფაქტი ის არის, რომ „რეალმა“ სეზონის სტარტიდან დღემდე ყველა მატჩი მოიგო.“
„მძიმე ტრავმები? ვეთანხმები გვარდიოლას. ფეხბურთელებისთვის დამღუპველია ამდენი სანაკრებო შეკრება, ამდენი ფრენა, ამდენი დატვირთვის მიღება, როგორც კლუბში, ასევე ნაკრებში. მოთამაშეები განტვირთვას ვერ ახერხებენ.“
„თამაში გუნდთან, რომელმაც 14-ჯერ მოიგო ჩემპიონთა ლიგა? როგორც გითხარით, ჩვენ მზად ვართ ბრძოლისთვის.“
- 23 სექტემბერი 2023
- 1994
- 37
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
