„რეალმა“ აღდგენითი ვარჯიში გამართა და ლიგისთვის მზადება დაიწყო
სამეფო კლუბის ფეხბურთელებს დასვენების დრო არ აქვთ. მიუხედავად იმისა, რომ ანჩელოტის გუნდმა „სოსიედადთან“ საკმაოდ დამღლელი დაპირისპირება ჩაატარა, მჭიდრო კალენდარიდან გამომდინარე, დასვენებას ვერ ახერხებს...
დღეს სამეფო კლუბის ფეხბურთელებმა აღდგენითი ვარჯიში გამართეს. ის მოთამაშეები, რომლებმაც სან სებასტიანელებთან დაპირისპირება სასტარტო შემადგენლობაში იყვნენ, შედარებით ნაკლებად დაიტვირთნენ, დანარჩენებმა კი სამწვრთნელო შტაბის ყველა მითითება შეასრულეს.
სესია სპორტ დარბაზში დაიწყო, შემდეგ კი ფეხბურთელებმა მწვანე მინდორზე გადაინაცვლეს და დიდი ყურადღება დაუთმეს ბურთის ფლობას, კარში დარტყმებს, კომბინაციურ თამაშს, მოკლე სივრცეში ზუსტ თამაშს და პრესინგს.
არდა გიულერი და ვინისიუს ჟუნიორი აღდგენით პროცესს განაგრძობენ, ორივე მოთამაშე დღეს სატრენაჟორო დარბაზით შემოიფარგლა.
რაც შეეხება სებალიოსს და მენდის. ჩემპიონთა ლიგის პირველი ტურის განაცხადში ორივე მოთამაშე მოხვდება, ვინაიდან ორივე 100%-ით მზად არის.
- 18 სექტემბერი 2023
- 489
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
