კორტეხანა:„მარველმა ისტორიული შანსი მიიღო“
მარიო კორტეხანას თქმით, მარველი მადრიდის „რეალს“ კონტრაქტის გახანგრძლივებაზე დათანხმდა...
„მარველმა ისტორიული შანსი მიიღო, რომელიც აუცილებლად უნდა გამოიყენოს. კარლო ანჩელოტი მილიტაოს არყოფნაში დაცვის ცენტრს დავიდ ალაბასა და ანტონიო რუდიგერის დუეტით გააძლიერებს, ხოლო ნაჩო ფერნანდესი ალტერნატივა იქნება, თუმცა აუცილებლად უნდა აღინიშნოს, რომ სეზონი ძალიან გრძელია და მარველის საჭიროება დადგება.“
„თუ გავითვალისწინებთ ყველა ტურნირის მასშტაბს, მარველს საქმეში მინიმუმ 12-15 მატჩში ვიხილავთ, რაც ბრწყინვალე შანსია იმისთვის, რომ ახალგაზრდამ თავის გამოჩენა შეძლოს.“
„კარლო ანჩელოტიმ კარგად იცის ახალგაზრდებთან ურთიერთობა, სწორედ ამიტომ ჩემი განწყობა პოზიტიურია.“
„რაც შეეხება ახალ კონტრაქტს, ახალგაზრდა ფეხბურთელი ხელშეკრულება 2026 წლის 30 ივნისამდე გაახანგრძლივებს, სადაც მისი შემოსავლებიც გაუმჯობესებული იქნება.“
- 18 აგვისტო 2023
- 1408
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
