ფრანგული გამოცემების ცნობით, „პსჟ“ კილიან მბაპეს ისევ ყიდის...

არსებული ცნობით, კილიან მბაპეს დედა ფაიზა ლამარი გუშინ საღამოს ნასერ ალ ჰელაიფს შეხვდა და საბოლოოდ აცნობა, რომ მისი შვილი ფრანგულ გუნდთან კონტრაქტს არ გაახანგრძლივებს.

ეს იმას ნიშნავს, რომ მბაპე 2024 წლის ზაფხულში გუნდს უფასოდ დატოვებს, რაც „პსჟ“-ს გეგმებში არცერთ შემთხვევაში არ შედის.

„პსჟ“ მბაპეს ისევ ყიდის, რადგან არ სურს, რომ კოლოსალურად დიდი ხელფასი გადაუხადოს, ხოლო 1 წელიწადში უფასოდ გაუშვას. ეს იქნება 350 მილიონ ევროზე მეტი ზარალი, რაც თავისთავად საშინლად აისახება გუნდის ბიუჯეტზე.

თუ „პსჟ“ მბაპეს ამ ზაფხულს 130 მილიონ ევროდ მაინც გაყიდის, ფინანსური Fair Play-ს მიმართულებითაც მნიშვნელოვან ნაბიჯს გადადგამს წინ, ვინაიდან ნასერმა ნეიმარი უკვე გაასხვისა და მნიშვნელოვანი შემოსავალი დააფიქსირა.

„პსჟ“-მ ტაქტიკა შეცვალა, გუნდი კილიანს აღარ ემუქრება და კოლექტივთან ერთად ვარჯიშის საშუალებასაც აძლევს, თუმცა მთავარი მიზანი კვლავ ფეხბურთელის გაყიდვა და თანხის გამომუშავებაა, ვინაიდან განახლების პერსპექტივა უკვე ოფიციალურად აღარ არსებობს.������� dle 10.1������� ������� ������