ანჩელოტი:„ინტენსიურ „ელ კლასიკოს“ ველი“
კარლო ანჩელოტიმ „ბარსელონასთან“ დაპირისპირების წინ პრესკონფერენცია გამართა...
„„ელ კლასიკო“ იქნება დიდი ტესტ მატჩი, სადაც ბევრ რამეს დავინახავთ. მნიშვნელოვანია, რომ გუნდმა შესაძლებლობები წარმოაჩინოს და გამარჯვებას მიაღწიოს.“
„სამწუხაროდ, არდა გიულერი „ბარსელონას“ წინააღმდეგ ვერ იასპარეზებს, მისი მოედანზე გასვლა რისკებს შეიცავს.“
„ხოსელუმ და ბრაჰიმ დიასმა საკუთარი ხარისხი აჩვენეს, შეტევაში საკმაოდ კარგი რესურსი გვაქვს.“
„მბაპე? ამ საკითხზე კომენტარს ისევ არ ვაკეთებ.“
„ჩუამენი წინა მატჩებში შესანიშნავი იყო, მას ადგილი დაბევებული აქვს. ჩამშლელის პოზიციაზე ასევე კარგად გამოდიან კროოსი და კამავინგა.“
„ბენზემა დიდი დანაკლისია, მაგრამ მუდმივი არაფერია, ახლა კარიმის გარეშე თამაში უნდა ვისწავლოთ. კრიშტიანო რონალდუს წასვლის შემდეგ „რეალის“ შეტევაში ბევრი ცვლილება მოხდა, ალბათ ასე იქნება ახლაც.“
„საუდის არაბეთსა და ამერიკის შეერთებულ შტატებში ფეხბურთი ვითარდება, მაგრამ ევროპულ ფეხბურთში სულ სხვა დონეა.“
„ბელინგემს შეუძლია, როგორც 4-4-2 სისტემაში თამაში, ასევე 4-3-3 სქემაში.“
„„ბარსელონას“ მხრიდან ყველაზე სახიფათო ფეხბურთელები ლევანდოვსკი და პედრი არიან, თუმცა ჩავის ძალიან მობილური გუნდი ჰყავს.“
„„ელ კლასიკოში“ დიდ ტემპსა და სიჩქარეს ველი.“
- 29 ივლისი 2023
- 2160
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
