კამავინგა:„ახალ სეზონში „რეალი“ ყველა ტიტულის მოგებას აპირებს“
ედუარდო კამავინგამ მადრიდის „რეალის“ ოფიციალურ ვებ-გვერდს ინტერვიუ მისცა...
„ბედნიერი ვარ და მჯერა, რომ მადრიდის „რეალთან“ ერთად მომდევნო სეზონში ყველა ტიტულის მოგებას შევძლებ. ჩვენ ყველა ნაბიჯზე უდიდეს მხარდაჭერას ვგრძნობთ. მსოფლიოს ყველა წერტილში უამრავი ქომაგი გვყავს, რაც მოტივაციას კიდევ უფრო ზრდის, თუმცა რა თქმა უნდა, პასუხისმგებლობაც გაორმაგებულია.“
„გამარჯვებულის მენტალიტეტი გვაქვს, ეს არის „რეალის“ სტილი და გვჯერა, რომ ტესტ მატჩები წარმატებით ჩაივლის. „მილანთან“ პირველ ტაიმში ცოტა გაგვიჭირდა, მაგრამ შემდეგ ყველაფერი შეიცვალა და საბოლოო ჯამში გამარჯვებას მივაღწიეთ, რაც თავისთავად სასიამოვნო იყო. მანჩესტერ „იუნაიტედის“ წინააღმდეგ რთულ თამაშს ველით, თუმცა ეს უკვე მეორე მატჩია და ჩვენ კიდევ უფრო კარგ ფორმაში ვართ.“
„გუნდში არაერთი ახალგაზრდა ფეხბურთელი თამაშობს, მაგრამ ეს იმას არ ნიშნავს, რომ სიმწიფე გვაკლია, ვინაიდან ჩვენთან არიან ისეთი გამოცდილი ფეხბურთელები, როგორებიც მოდრიჩი, კროოსი, კარვახალი, ვასკესი, ნაჩეტე, კურტუა და სხვები გახლავთ, ამასთან ერთად უნდა აღინიშნოს, რომ ზოგიერთ ახალგაზრდას უკვე არანორმალურად დიდი გამოცდილება აქვს. ვინი უკვე 5 წელია „ბლანკოსის“ სადარაჯოზე დგას და 200 დაპირისპირებაზე მეტს მოითვლის, მერწმუნეთ, ეს ცოტა არ არის.“
- 26 ივლისი 2023
- 635
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
