ერთი ნაბიჯი და მბაპე „რეალის“ ფეხბურთელია!
ფრანგული გამოცემების ცნობით, „რეალს“ სჭირდება ერთი ნაბიჯის გადადგმა იმისთვის, რომ კილიან მბაპემ მომდევნო სეზონში „ბლანკოსში“ იასპარეზოს...
„პსჟ“ ფეხბურთელის გაყიდვაზე თანახმაა, ფლორენტინო პერესმა კი არსებულ შეთავაზებას თანხა უნდა დაამატოს.
ფრანგები იუწყებიან, რომ პარიზული მხარე მბაპეს 160 მილიონ ევროდ გაყიდვას დათანხმდება და პერესმა ეს ნაბიჯი სასწრაფოდ უნდა გადადგას.
ერთადერთი შემაფერხებელი გარემოება თავად მბაპეს სატრანსფერო ბონუსია. კილიანის ხელფასი „მერენგების“ რიგებში 30 მილიონი ევრო იქნება, ხოლო მადრიდში გადასვლისთვის მას სატრანსფერო ბონუსის სახით 80 მილიონამდე სურს. სწორედ ამიტომ პერესი ხვდება, რომ „პსჟ“-სთვის გადახდილ 160 მილიონთან ერთად, მბაპესთვის დამატებით 80 მილიონის გამოყოფა უდიდეს ფინანსურ ოპერაციებთან იქნება დაკავშირებული, სწორედ ამიტომ ოპტიმალურ გამოსავალს ეძებს.
არსებული ცნობით, „პსჟ“ მბაპეს ოჯახთანაც ინტენსიურ აუდიენციაშია და მხარეები საუკეთესო გამოსავალს ეძებენ, რასაც „რეალი“ აქტიურად აკვირდება და ქმედითი ნაბიჯებისთვის არის მზად.
„ბლანკოსისთვის“ საუკეთესო ვარიანტი ფეხბურთელში 120 მილიონის გადახდა და სატრანსფერო ბონუსის სახით 80 მილიონია, თუმცა ამ შეთხვევასი, კილიანმა ეს ბონუსი ეტაპობრივად უნდა მიიღოს.
- 24 ივნისი 2023
- 4253
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
