ხოსელუ:„„რეალში“ დიდი მიზნებით მოვედი, ბევრი გოლის გატანას ვგეგმავ“
სამეფო კლუბის ახაწლვეულმა „რეალის“ ფეხბურთელის რანგში პირველი პრესკონფერენცია გამართა...
„აქ დაბრუნება ძალიან მინდოდა. „რეალი“ მსოფლიოს საუკეთესო კლუბია, სწორედ ამიტომ დღევანდელი დღე ჩემთვის ძალიან ამაღელვებელია.“
„14 ნომერი? ციფრებს ჩემთვის დიდი მნიშვნელობა არ აქვს.“
„მე უბრალოდ ვამაყობ, რომ „ბლანკოსის“ მაისურს მოვირგებ, ციფრები მეორეხარისხოვანია.“
„მე არ ვცვლი ბენზემას. მე მექნება ჩემი როლი, რომელიც სრულფასოვნად უნდა შევასრულო. მადრიდში დიდი გეგმებით მოვედი და ბევრი გოლის გატანას ვგეგმავ. დარწმუნებული ვარ, კლუბისთვის დიდი სარგებელის მოტანას შევძლებ.“
„ჩემი ცხოვრების კლუბში წარმატებული თამაში მთავარი ოცნებაა, რომელიც აუცილებლად უნდა ავისრულო.“
„ფიზიკურად თავს კარგად ვგრძნობ, ბოლო წლებში ძალისმიერ ორთაბრძოლებში ხშირად ვაღწევდი წარმატებას. ვეცდები, საუკეთესო თვისებები „რეალის“ წარმატებისკენ მივმართო.“
„ანჩელოტისთან ჯერ არ მისაუბრია, თუმცა მზად ვარ, იტალიელი სპეციალისტის დარიგებები პირნათლად შევასრულე, ის ნამდვილი პროფესიონალია.“
„მე და დანი? რა თქმა უნდა, ჩვენ დიდი მეგობრები ვართ, ვინაიდან ის ჩემი ოჯახის წევრია.“
„„რეალი“ „ესპანიოლს“ პატივს სცემდა და ბოლომდე ელოდებოდა განვითარებულ მოვლენებს. შეთანხმება რამდენიმე დღის წინ დაიხურა და მე ჩემი ოცნების კლუბში მოვხვდი.“
„მახსოვს ის დღე, როდესაც „კასტილიასთან“ ხელშეკრულებას ხელი მოვაწერე, ახლა კი აქ ვარ და ჩემი ოცნება კიდევ ერთხელ ახდა.“
„ესპანეთის ნაკრებთან ერთად ტიტულის მოგება ბედნიერების მომგვრელი იყო.მჯერა, რომ წარმატებები კიდევ წინ არის.“
„„ბლანკოსი“ მსოფლიო დონის ვარსკვლავები თამაშობენ, მათთან ერთად კიდევ უფრო მაღალი დონის ფეხბურთის ჩვენებას შევძლებ, მე ამისთვის მზად ვარ.“
„კარვახალთან ერთად დიდ გამარჯვებებს ვაპირებ, ჩვენ ახლა ერთმანეთთან არ გვისაუბრია. რა თქმა უნდა, ძალიან ახლო ურთიერთობა გვაქვს. დანის ყოველთვის ჰქონდა ჩემი დიდი მხარდაჭერა.“
- 20 ივნისი 2023
- 1748
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
