ბელინგემი:„კომფორტის ზონა არ მჭირდება, მე „რეალში“ გამარჯვებისთვის მოვედი“
ჯუდ ბელინგემმა „რეალის“ ფეხბურთელის რანგში პირველი პრესკონფერენცია გამართა...
„კიდევ ერთხელ მოგესალმებით ყველას. დღევანდელი დღე ჩემთვის ამაღელვებელია, რადგან მსოფლიოს საუკეთესო კლუბში მოვხვდი. მადრიდის „რეალის“ ღირსების დაცვა ყველა ფეხბურთელის ოცნებაა. მე გამიმართლა, რომ აქ ვარ.“
„ჩემთვის ფული არასდროს ყოფილა გადამწყვეტი. ავირჩიე „რეალი“, რადგან აქ თამაში მსურდა. ვამაყობ და ძალიან ბედნიერი ვარ, რომ სამეფო კლუბის ღირსება უნდა დავიცვა.“
„22 თუ 5? პირველ რიგში მინდა დიდი მადლობა გადავუხადო ხესუს ვალიეხომ, რომელმაც 5 ნომრიანი მაისური დამითმო. როდესაც ესპანელს შევხვდები, ამას კიდევ ერთხელ ვეტყვი.“
„ვნახოთ, რა მოხდება მომავალში. მე ვფიქრობ, რომ 5 ნომრიანი მაისურით წარმატებული ვიქნები.“
„კარლო ანჩელოტი შესანიშნავი სპეციალისტია. რა თქმა უნდა, მივიჩნევ, რომ იტალიელი ფეხბურთის ისტორიაში ერთ-ერთი საუკეთესო მწვრთნელის სტატუსს ფლობს.“
„ჰარი კეინის „რეალში“ ტრანსფერზე არაფრის თქმა არ შემიძლია, რადგან არანაირი ინფორმაცია არ მაქვს. კეინი ჩემი ნაკრების კაპიტანია, მასთან ერთად სიამოვნებით ვთამაშობ.“
„ვიმედოვნებ, ჩვენი კომუნიკაცია სულ მალე გამარტივდება და ესპანურად საუბარს შევძლებ.“
„როგორც გითხარით, სამეფო კლუბი მსოფლიოში საუკეთესოა. „რეალის“ თამაშებს ხშირად ვადევნებდი თვალს და ვიცი, რა სტილში ასპარეზობს ეს კოლექტივი. ვეცდები, ადაპტაცია მალე გავიარო და გუნდისთვის მნიშვნელოვანი ფეხბურთელი გავხდე.“
„ყოველთვის მაქსიმუმს გავიღე, ჩემი სტილი ბოლომდე დახარჯვაა.“
„მადრიდულმა გრანდმა ევროპაში წარმოუდგენელი ისტორია დაწერა და ეს პროცესი ახლაც გრძელდება. მსურდა, რომ ამ კოლექტივს შემოვერთებოდი.“
„როდესაც გავიგე, რომ ჩემით სამეფო კლუბი ინტერესდებოდა, დაჯერება გამიჭირდა, თუმცა ეს რეალობა იყო.“
„მოდრიჩისგან და კროოსისგან ბევრი რამის სწავლას ვაპირებ, ისინი საუკეთესო ნახევარმცველები არიან, რომლებმაც წლების მანძილზე უდიდესი გამოცდილება მიიღეს. დიხ, ნახევრდაცვის ხაზში „ბლანკოსში“ არაერთი ფეხბურთელი ირიცხება, რაც იმას ნიშნავს, რომ კონკურენციაც დიდია, თუმცა მე ამას სასიკეთოდ გამოვიყენებ.“
„სიმართლე გითხრათ, ლუკასთან და ტონისთან ერთად ვარჯიშს მოუთმენლად ველი, ისინი ექსტრაორდინალური მოთამაშეები არიან.“
„მბაპეს „რეალში“ ტრანსფერზე არანაირი ინფორმაცია არ მაქვს. ბუნებრივია, მასთან ერთად სიამოვნებით ვითამაშებდი, მაგრამ ის „პსჟ“-ს ღირსებას იცავს. ვფიქრობ, რომ ფრანგი მსოფლიო მასშტაბის ფეხბურთელია და საკუთარი ქმედებებით ყველას აოცებს.“
„ბავშვობიდან „ბლანკოსს“ ვქომაგობ. „რეალის“ ასობით დაპირისპირება მაქვს ნანახი, ახლა კი ამ გუნდის წევრი ვხდები, რაც ჩემთვის ამაღელვებელია.“
„ნამდვილად არ მახსოვს, როდის გადავწყვიტე „რეალში“ თამაში, მაგრამ ეს მტკიცე პოზიცია იყო. არ ვიცი, რა განაპირობებს ამ გუნდში ასპარეზობის სურვილს, მაგრამ ფაქტი ის არის, რომ სამეფო კლუბი ყველაზე მიმზიდველია, როგორც ესპანეთში, ასევე ევროპის მასშტაბით.“
„ვეცდები, გუნდს არაერთი ტიტულის მოგებაში დავეხმარო. დარწმუნებული ვარ, მომდევნო სეზონი ძალიან წარმატებული იქნება და ჩვენ ერთად მწვერვალების დაპყრობას შევძლებთ.“
„მახსოვს „რეალისა“ და „ლივერპულის“ ფინალური დაპირისპირება, სადაც „მერენგებმა“ გაიმარჯვეს. ეს ალბათ გადამწყვეტი ფაქტორიც იყო.“
„მე და ჩემი ოჯახი ზინედინ ზიდანს დიდ პატივს ვცემთ. ვამაყობ, რომ ფრანგის ნომრით ვიასპარეზებთ, ეს რა თქმა უნდა, დამატებითი მოტივაცია იქნება.“
„ახლაც ვერ გადმოგცემთ, რა ვიგრძენი, როდესაც ფლორენტინო პერესთან ერთად „რეალის“ ტიტულების ოთახში შევედი. ჩემს წინ ჩემპიონთა ლიგის 14 თასი იყო.“
„არაერთი თანაგუნდელი და თანაკლუბები მირჩევდა ინგლისის პრემიერლიგაში გადასვლას, მაგრამ მე უარი ვთქვი კომფორტის ზონაზე, ვინაიდან მადრიდის „რეალში“ ასპარეზობა მსურდა. მჯერა, რომ აქ ყველაზე დიდ პროგრესს ვაჩვენებ.“
„ვაცნობიერებ მადრიდულ კონკურენციას, მოთხოვნებს და სირთულეებს, მაგრამ მჯერა, რომ წარმატებას მივაღწევ, ამაში კი დიდი შრომა დამეხმარება.“
„ინგლისელ თანაგუნდელებთან შესანიშნავი ურთიერთობა მაქვს. მადრიდში გადმოსვლა ყველამ მომილოცა და წარმატებები მისურვა.“
„ჩემი აზრით ზიდანი საუკეთესო იყო და ვეცდები, მისი ხარისხის ფეხბურთი ვითამაშო. ეს ძალიან რთული პროცესი იქნება.“
„მე ვარ ფეხბურთელი და არა იურისტი ან ეკონომისტი. ხელშეკრულებებს და ფინანსურ მხარეს სხვა ადამიანები მიხედავენ, ჩემი საქმე მოედანზე გასვლა და უმაღლესი დონის ფეხბურთის ჩვენებაა.“
„სწავლა არასდროს უნდა შეწყვიტო, ფეხბურთელისთვის განვითარება უმთავრესი კომპონენტია.“
„ნახევარმცველი ვარ და ამ პოზიციაზე თამაში ყველაზე მეტად მსიამოვნებს. თუ სად ვიასპარეზებ ზუსტად მწვრთნელი გადაწყვეტს, ეს სწორედ მისი კომპეტენციაა.“
- 15 ივნისი 2023
- 2673
- 12
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
