ანჩელოტის არჩევანი გაკეთებული აქვს
კარლო ანჩელოტის არჩევანი გაკეთებული აქვს. ესპანური გამოცემების ცნობით, იტალიელმა სპეციალისტმა ანტონიო რუდიგერზე ისევ გააკეთა აქცენტი...
არავინ იცის, როგორ ფორმირდება სამეფო კლუბის დაცვა „ეტიჰადზე“, მაგრამ ფაქტია, რომ კარლო რუდიგერს ენდობა და გერმანელი უკანახაზელი კვლავ ეცდება ჰოლანდის შეჩერებას.
ანტონიომ სანტიაგო ბერნაბეუზე მეტოქს ამოსუნთქვის საშუალება არ მისცა და მასზე ფსიქოლოგიურადაც იმოქმედა.
ახლა რუდიგერი ანალოგიური შემართებით გავა მოედანზე და ერლინგთან გამკლავების მეორე რაუნდს შემოგვთავაზებს.
ესპანური გამოცემების ცნობით, არ არის გამორიცხული, დაცვის ცენტრში რუდიგერმა და მილიტაომ იასპარეზონ, მარცხენა ფლანგი კი ალაბას ჩაბარდეს, რაც იმას ნიშნავს, რომ კამავინგა სათადარიგო სკამზე დაჯდება, მეორე ნახევარში კი ნახევარმცველის პოზიციას მოირგებს და გუნდისთვის მეტი ტემპის მიცემას შეეცდება.
- 16 მაი 2023
- 1261
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
