ანჩელოტი:„ეს ფეხბურთელი „სიტიში“ ყველაზე სახიფათოა“
კარლო ანჩელოტიმ „სიტისთან“ დაპირისპირების წინ პრესკონფერენცია გამართა...
„იმისთვის, რომ „სიტის“ დამარცხება შევძლოთ, როგორც დაცვაში, ასევე წინა ხაზში კარგი შთაბეჭდილება უნდა დავტოვოთ. მხოლოდ დაცვაზე ფიქრი შედეგს ვერ მოგვცემს. შარშან 5 გოლი გავუშვით, მაგრამ 6 გავიტანეთ და ფინალში გავედით. ანალოგიურ სცენარს ახლაც მოვაწერდი ხელს.“
„ჰოლანდის ფაქტორი რა თქმა უნდა გასათავალისწინებელია. ეს ფეხბურთელი გვარდიოლას გუნდში ყველაზე მეტ ხიფათს ქმნის, მაგრამ ჩვენ ვეთამაშებით მანჩესტერ გრანდს და არა კონკრეტულად ერლინგს, სწორედ ამიტომ გუნდური სულისკვეთება გვჭირდება.“
„ვინისიუსს და როდრიგოს სათამაშო წუთები მივეცი, სხვა დახმარება არ გამიწევია. ვიცოდი, რომ ბრაზილიელები გაიხსნებოდნენ და ასეც მოხდა. ვამაყობ, რომ ორივე შემტევი არნახულ პროგრესს აჩვენებს. ეს ფეხბურთელები ჩუამენისთან, კამავინგასთან, ვალვერდესთან და სხვა ახალგაზრდებთან ერთად მადრიდულ ეპოქას შექმნიან.“
„შარშანდელ და წლევანდელ „რეალს“ შორის მხოლოდ ის სხვაობაა, რომ გუნდი ახლა მოქმედი ჩემპიონის რანგში თამაშობს.“
„„სიტი“ უფრო დაიხვეწა, ჰოლანდის სახით კი დიდი შენაძენი გააკეთა, რაც ამ გუნდის თავდასხმას უფრო ძლიერს და სოლიდურს ხდის.“
„ფიზიკური თვალსაზრისით პრობლემები არ გვაქვს. კალენდარი გადატვირთულია, მაგრამ გუნდი მოწოდების სიმაღლეზე დგას. მთავარი მაინც ფსიქოლოგია და ის მოტივაციაა, რომელიც გუნდს გამარჯვებულად აქცევს.“
„მოდრიჩი თავს კარგად გრძნობს და მოედანზე გასვლა შეუძლია. ხორვატი ფეხბურთელი 100%-ით მზადაა.“
„ორივე თამაშს დიდი მნიშვნელობა მიენიჭება. ჩვენ ბერნაბეუზე ფაქტორზე ბევრი უნდა ვიფიქროთ და სხვაობა შევქმნათ.“
„კამავინგა მარცხნივ? სავსებით შესაძლებელია, მოდით ვნახოთ, რა გადაწყვეტილებას მივიღებ.“
- 9 მაი 2023
- 1687
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
