მაკელელე:„„რეალი“ დიდი გუნდია, მაგრამ „სიტის“ საჩემპიონო გზას ადგას“
კლოდ მაკელელემ მადრიდის „რეალისა“ და მანჩესტერ „სიტის“ მოახლოვებულ დაპირისპირებაზე ისაუბრა...
„მადრიდის „რეალის“ გულშემატკივარი ვარ, ეს კოლექტივი ჩემთვის ბევრს ნიშნავს და მივიჩნევ, რომ ჩემპიონთა ლიგის მოგება სამეფო კლუბისთვის ყოველთვის შესაძლებელია, თუმცა ევროტურნირზე თამაში „სიტიმაც“ ისწავლა და ვთვლი, რომ გვარდიოლას კოლექტივი საჩემპიონო გზას ადგას. მათ წააგეს, წააგეს, წააგეს, მაგრამ მიიღეს გამოცდილება და წელს სულ სხვა გუნდი ჰყავთ, რომელიც ბრწყინავს როგორც პრემიერლიგაში, ასევე ჩემპიონთა ლიგის მატჩებში.“
„მანჩესტერულმა გრანდმა ააშენა დაცვითი ბლოკი, ბრწყინვალეა ნახევარდაცვაში და აგრესიულად უტევს შეტევის ხაზით. ვფიქრობ, „სიტი“ მომწიფდა და საჩემპიონოდ მზად არის, სწორედ ამიტომ „რეალს“ ძალიან გაუჭირდება. დიახ, ვიცი რა მოხდა შარშან, თუმცა ახლა სხვა ვითარებაა. ახლა გვარდიოლას კიდევ უფრო დახვეწილი, ტაქტიკურად გამართული და მოტივირებული გუნდი ჰყავს.“
„ვინისიუსი ფანტასტიკური ფეხბურთელია, მისნაირი ფეხბურთელის გუნდში ყოლაზე ალბათ ყველა ოცნებობს. ვინი აკეთებს დრიბლინგს, ამწვავებს სიტუაციას, არიგებს საგოლე გადაცემებს და იტანს გოლებს. მეტი რა უნდა გააკეთოს? ის უბრალოდ შეუდარებელი მოთამაშეა.“
„ვინის სჭირდება დაცვა, მის მიმართ აგრესია დიდია, მაგრამ ეს კომპონენტი აუცილებლად უნდა გამოსწორდეს, მას არ დაუმსახურებია იქ ქმედებები, რასაც მის წინააღმდეგ ჩადიან.“
„მიკვირს, რამდენად სწრაფად მოერგო „რეალს“ ედუარდო კამავინგა, ის სულ რაღაც 20 წლის არის, მაგრამ ყველა ტიტულის მოგება მოასწრო. სისწრაფე, ტექნიკა და უნივერსალურობა ედუს ძალიან მნიშვნელოვან ფეხბურთელად აქცევს. მე მას ნახევარმცველად ვხედავ, დანარჩენს კი წლები გვიჩვენებს.“
- 8 მაი 2023
- 1425
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
