კარლო ანჩელოტიმ „ალმერიასთან“ დაპირისპირების წინ პრესკონფერენცია გამართა...

„ჩვენ გვაქვს ბრწყინვალე შანსი იმისა, რომ მომდევნო დაპირისპირებებში საუკეთესო ფეხბურთი ვაჩვენოთ და ყველაფერი ვიღონოთ წარმატების მისაღწევად. ვისურვებდი ყველა მატჩის მოგებას, რაც ტიტულების აღმართვის ტოლფასი იქნება.“

„ვინისიუსის მიმართ გასვლით მატჩებში დიდი აგრესიაა, რაც უნდა შეიცვალოს. ბრაზილიელი ყველა გუნდს პრობლემას უქმნის, მაგრამ ეს აგრესიის საფუძველი ვერ უნდა გახდეს.“

„მოდრიჩს ტრავმა აქვს და ვიცით, რომ მომდევნო ტურებში ვერ გამოვიყენებთ, ხორვატის თამაში სამეფო თასის ფინალშიც საეჭვოა, თუმცა ვნახოთ, ჩვენ სიტუაციის შეცვლის იმედი გვაქვს.“ დაცვაში კარგად თამაშზე დიდ ყურადღებას ვამახვილებთ, წინა ტურში საშინელი შედეგი გვქონდა, რაც დამაფიქრებელი იყო.“

„ოპტიმისტურად ვარ განწყობილი და მჯერა, რომ ჩემს გუნდს წარმატების მიღწევა შეუძლია. დიახ, „ჟირონასთან“ ცუდი საღამო გვქონდა, ეს მართლაც აუხსნელია, თუმცა კოლექტივს გაცილებით უკეთ თამაში შეუძლია.“

„ზოგჯერ სტრატეგია კარგია, მაგრამ ფეხბურთელებს კონცენტრაცია არ აქვს, თუმცა ეს ყველაფერი მინიმალურ დონეზე უნდა იყოს დაყვანილი. ვფიქრობ, გუნდი მოუმატებს.“

„ჩემი კარიერის დასასრული? ვფიქრობ, „რეალში“ 2024 წლის ზაფხულამდე დავრჩები.“

„სამეფო თასის ფინალის შემდეგ სევილიაში დავრჩებით და დავიძინებ, ფეხბურთელებმა აუცილებლად უნდა იზრუნონ საკუთარ კონდიციებზე. ფინალსა და ნახევარფინალს შორის ცოტა დღეა, ამიტომ ეფექტური ნაბიჯების გადადგმა გვმართებს.“

„მოდრიჩის გამოცდილება ასეთი ტიპის მატჩებში ძალიან მნიშვნელოვანია. ჩვენ გვყავს კამავინგა, ჩუამენი და სებალიოსი, სწორედ ამიტომ მათი იმედი მაქვს.“

„ვინისიუსს ვერაფერს აკლებენ და შემდეგ კანის ფერზე გამოთქვამენ ათასგვარ ფრაზას. ვფიქრობ, ეს სირცხვილია, თანაც თანამედროვე საზოგადოებაში.“

„„სიტისთან“ მოდრიჩის და მილიტაოს არყოფნა დიდი დანაკლისი იქნება, თუმცა იმედი მაქვს, რომ ლუკა დაბრუნებას შეძლებს.“

„ჰოლანდი? გვარდიოლას განკარგულებაში ნორვეგიელის გარდა დე ბრუინი და სხვა საინტერესო ფეხბურთელები არიან, სწორედ ამიტომ არ ვთვლი, რომ მხოლოდ ერლინგზე უნდა გავაკეთოთ აქცენტი.“������� dle 10.1������� ������� ������