ლამპარდი:„თუ „რეალს“ დავამარცხებთ, ლიგის მოგებაზე გვექნება პრეტენზია“
ფრენკ ლამპარდმა „რეალთან“ დაპირისპირების წინ პრესკონფერენცია გამართა...
„ჩვენ არ გვჭირდება სიახლეები. გუნდის მიზანი პირველივე წუთებიდან შეტევა და სიტუაციის გამოსწორება იქნება. მადრიდული გრანდის წინააღმდეგ ბრძოლა ძალიან რთული იქნება, მაგრამ უკან დასახევი არ გვაქვს.“
„ატმოსფერო შესანიშნავი იქნება, ამის ღრმად მწამს. „სტემფორდ ბრიჯზე“ არაერთხელ მიასპარეზია და დრამატული საღამოებიც მინახავს. ყველაფერი უნდა გავაკეთოთ გულშემატკივრების გასახარებლად.“
„პირველივე წუთებიდან აგრესიული შეტევა ძალიან მნიშვნელოვანია, რადგან გულშემატკივრებიც გააქტიურდებიან. „ჩელსიმ“ საუკეთესო ფეხბურთი უნდა ითამაშოს.“
„„რეალი“? პირველ რიგში უნდა აღვნიშნო კარლო ანჩელოტი. სპეციალისტი, რომელსაც ევროპის მასშტაბით ყველაზე დიდი გამოცდილება აქვს. ამ ადამიანმა შარშან არნახულ ზეწოლას გაუძლო, ურთულესი სიტუაციებიდან გამოვიდა და საბოლოო ჯამში გამარჯვებაც შეძლო. მე ვფიქრობ, რომ „ბლანკოსის“ დამარცხება ჩვენ უდიდეს მუხტს მოგვცემს, თუ 1/2 ფინალში გავალთ ჩემპიონთა ლიგის მოგებაზე გამოვაცხადებთ პრეტენზიას.“
„„ბლანკოსის“ ფეხბურთელებს აქვთ დიდი ნიჭი, გამოცდილება და შემართება. სწორედ ამის ფონზე ხდება „რეალი“ წარმატებული. მე მჯერა, რომ გამარჯვება შეგვიძლია, დანარჩენს კი მოედანზე ვიხილავთ.“
- 17 აპრილი 2023
- 2983
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
