ესპანური გამოცემების ცნობით, კარლო ანჩელოტიმ სამეფო კლუბის მომავალი სეზონისთვის 5 ახალი ფეხბურთელის კანდიდატურა წარუდგინა. იმ შემთხვევაში, თუ იტალიელი სპეციალისტი გუნდში დარჩენა, ამ ფეხბურთელებთან სურს მუშაობა...

კარლო მიიჩნევს, რომ შეტევითი ხაზის დუშან ვლაჰოვიჩით გაძლიერება ძალიან მნიშვნელოვანი და კარგი შედეგების მომტანი იქნება. გარდა ამისა, ანჩელოტი მიიჩნევს, რომ ჯუდ ბელინგემის ტრანსფერი „ბლანკოსის“ ნახევარდაცვას გაცილებით მობილურს და მრავალფეროვანს გახდის.

გარდა ზემოაღნიშნული ფეხბურთელებისა, კარლიტოს აზრით, დაცვის მარჯვენა და მარცხენა ფლანგზე აუცილებლად არის შეთანხმებები მისაღწევი. გამოცდილი დამრიგებელი მიიჩნევს, რომ მარცხენა ფლანგზე მისასალმებელი იქნება ალფონსო დეივის ან ტეო ერნანდესის ტრანსფერი, მარჯვნივ კი რის ჯეიმსის, დავიდე კალაბრიას ან მალო გუსტოს.

გარდა ამისა, კარლოს ძალიან მოსწონს ბრაჰიმ დიასის დაბრუნების ვარიანტიც, რომელიც ეფექტურია, როგორც შეტევის ფლანგებზე, ასევე ფორვარდის უკან.

როგორც ხედავთ, ანჩელოტის მომდევნო სეზონის გეგმა უკვე ჩამოყალიბებული აქვს, დანარჩენი კი პრეზიდენტ პერესზე იქნება დამოკიდებული. კარლო მიიჩნევს, რომ ყველა რგოლის ბალანსირებული გაძლიერება გუნდის რესურსს მნიშვნელოვნად გაზრდის.������� dle 10.1������� ������� ������