ანჩელოტი:„4 შემტევით თამაშმა მრავალფეროვნება მოგვცა“
კარლო ანჩელოტიმ „ვალიადოლიდთან“ გამარჯვების შემდეგ პრესკონფერენცია გამართა...
„ეს იყო სრულყოფილი მატჩი, სადაც „რეალის“ ყველა ფეხბურთელმა მაქსიმუმი გაიღო და შედეგიც სახეზეა. „ელ კლასიკოს“ წინ 6-0 გამარჯვება ძალიან სასიამოვნო და იმედისმომცემია. ხვალიდან „ბარსელონაზე“ ფიქრს დავიწყებთ, ჩვენი მიზანი „ნოუ კამპზე“ გამარჯვება იქნება და ამისთვის ყველაფერს გავაკეთებთ. დღეს შეტევა ძალიან ძლიერი იყო და ყველაფერი გამოსდიოდა. ბედნიერი ვარ და ვთვლი, რომ იღბალი, რომელიც ხანდახან გვაკლდება დღეს უხვად გვქონდა.“
„კარიმმა 7 წუთში 3 გოლის გატანა შეძლო და ამით ყველაფერია ნათქვამი. ზოგადად შეტევაში ოთხეული ძალიან სწრაფი და მობილური იყო, როგორც ბურთით, ასევე უბურთოდ. როდრიგო და ასენსიო ხშირად პოზიციებს ცვლიდნენ, რათა ნახევრდაცვის ხაზი არ მოშიშვლებულიყო. თავს კარგად ვიცავდით, შეტევაში კი დიდი აგრესია გვქონდა.“
„რუდიგერს დისკომფორტი ჰქონდა, სწორედ ამიტომ „ვალიადოლიდთან“ დაპირისპირებაში მონაწილეობა არ მიუღია. დიდი იმედი მაქვს, გერმანელი უკანახაზელი „ელ კლასიკოსთვის“ მზად იქნება, ის ძალიან დიდი ძალაა.“
„ალბათ თქვენც დაიღალეთ ჩემთან ერთად ამ ფრაზების მოსმენით, რომელიც ჩემს წასვლას უკავშირდება. კიდევ ერთხელ გეტყვით, რომ მშვიდად ვარ და მომდევნო 2-3 თვეზე ვფიქრობ, რომელიც თავისთავად მნიშვნელოვანია. მე მსურს „რეალის“ სადარაჯოზე დიდ ხანს ყოფნა, დანარჩენს კი მომავალში ვიხილავთ.“
„როდრიგოს დისკომფორტი საგანგაშო არ უნდა იყოს. დიდი ალბათობით, ის „ნოუ კამპზე“ გასვლას შეძლებს. აქ აუცილებლად აღსანიშნავი ფაქტია, რომ შესაძლოა 120 წუთი თამაში მოგვიწიოს, სწორედ ამიტომ რესურსის სწორი გადანაწილებაა საჭირო. ჩვენ მაქსიმალურად ვეცდებით ოპტიმალური თერთმეტეულის შერჩევას.“
„მომავალს ჯერ ვერ ვხედავ, ვერც ბრაზილიის ნაკრებს ვხედავ. ჩემი მიზანი „ბლანკოსთან“ არსებული კონტრაქტის ბოლომდე მიყვანაა. კლუბთან ხელშეკრულება 2024 წლის ზაფხულში მეწურება, თუ მანამდე გადაწყდება ჩემი წასვლა, არანაირი პრობლემა არ მაქვს, ხოლო თუ ჩემი დარჩენის საჭიროება დგას. მზად ვარ, არამხოლოდ 2024, არამედ 2034 წლამდეც ვიმუშავო მსოფლიოს საუკეთესო კლუბში.“
„აზარმა ამ კვირაში კარგად ივარჯიშა და სათამაშო დროც მიიღო. ვფიქრობ, ბელგიელს მომატება შეუძლია. დღეს მან საგოლე გადაცემა მიითვალა. სტვენა ედენის მიმართ? დიახ, ეს გავიგე და სასიამოვნო ნამდვილად არ იყო.“
„მატჩის შემდეგ ედენს ვუთხარი, რომ თუ ისევ ამ ტემპში ივარჯიშებს, კიდევ ბევრჯერ ვათამაშებ“
„„ვალიადოლიდის“ ფეხბურთელები 5 მცველიან ტაქტიკას მიმართავდნენ და სწორედ ამიტომ, მათი რგოლის გარღვევა იოლი არ იყო. ჩვენ 4 შემტევით მაქსიმალურად ვეცადეთ მრავალფეროვნების შექმნას და ჩანაფიქრმა გაამართლა. ასენსიომ და როდრიგომ არაერთ პოზიციაზე ითამაშეს ეფექტურად.“
- 2 აპრილი 2023
- 5226
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
