სამეფო კლუბის საუკეთესო გოლეადორი კვლავ მოწოდების სიმაღლეზეა.

„სანტიაგო ბერნაბეუზე“ „ლივერპულთან“ გამართული დაპირისპირება კარიმ ბენზემასათვის 129-ე გამოდგა ევროპის ყველაზე პრესტიჟულ საკლუბო ტურნირზე. „ბლანკოსის“ მასშტაბით, მასზე მეტ შეხვედრას მხოლოდ რაულ გონსალესი (130) და იკერ კასილიასი (150) მოითვლიან.

ამასთანავე, „ოქროს ბურთის“ მფლობელი ჩემპიონთა ლიგის ფლეი-ოფურ სტადიაზე უკვე 33 შედეგიანი დარტყმით იწონებს თავს. ტურნირის ისტორიაში უკეთესი მაჩვენებელი ლეო მესისა (47) და კრიშტიანუ რონალდუს აქვთ (67), ხოლო ხუთეულში შედიან რობერტო ლევანდოვსკი (30) და თომაშ მიულერი (26).

რაც შეეხება ტურნირის ყველა დროის საუკეთესო ბომბარდირთა დავას, შემდეგნაირად გამოიყურება: კრიშტიანუ რონალდუ - 140 გოლი, ლიონელ მესი -129, რობერტ ლევანდოვსკი - 91 და კარიმ ბენზემა - 89.
������� dle 10.1������� ������� ������