მადრიდის „რეალის“ ფეხბურთელები „ესპანიოლთან“ მატჩისთვის მზადებას განაგრძობენ...

გუნდმა კვირის მეორე სესია ჩაატარა. აღსანიშნავია, რომ კარლო ანჩელოტიმ შეგირდები ჯერ სატრენაჟორო დარბაზში შეკრიბა და ფიზიკური კონდიციების გაუმჯობესებას დიდი ყურადღება დაუთმო, შემდეგ კი, კოლექტივმა მწვანე მინდორზე გადაინაცვლა და დავალებები ბურთთან ერთად შეასრულა.

ფერლან მენდის და დავიდ ალაბას აღდგენითი პროცესი გეგმის მიხედვით მიმდინარეობს, ფრანგი სრულფასოვან დატვირთვას ეტაპობრივად უახლოვდება.

ბენზემამ და რუდიგერმა მინდორზე დატვირთვა არ მიიღეს და მხოლოდ დარბაზში გარჯით შემოიფარგლნენ.

სამწვრთნელო შტაბის მიერ დღევანდელ სესიაზე დიდი ყურადღება დაეთმო ტაქტიკურ მონახაზებს, პრესინგს, კარში დარტყმებს, სტანდარტულებს და მოკლე სივრცეში ზუსტ თამაშს.

შეგახსენებათ, „ესპანიოლთან“ შერკინება 11 მარტს, თბილისის დროით 17:00 საათზე შედგება.������� dle 10.1������� ������� ������