მიმდინარე სეზონში ედენ აზარმა მხოლოდ 7 შეხვედრაში (ყველა ტურნირზე) მიიღო მონაწილეობა და მისი სათამაშო წუთები 296-ს შეადგენს.

მიუხედავად იმისა, რომ ბელგიელ ფეხბურთელს მთავარი მწვრთნელის ნდობა აქვს დაკარგული და მას, ფაქტობრივად, არ უწევს მოედანზე გასვლა, მაინც არ აპირებს კლუბის დატოვებას. „შვიდიანის“ სურვილია, ბოლომდე შეასრულოს კონტრაქტით გათვალისწინებული პირობები და მადრიდიდან მხოლოდ 2024 წლის ზაფხულში გადაბარგდეს. აღნიშნულის შესახებ The Athletic იუწყება.

გამოცემის ინფორმაციით, განვლილ თვეში მოთამაშე უკვე შეხვდა კლუბის ხელმძღვანელებს და მისი გადაწყვეტილების შესახებ შეატყობინა. ედენი თვლის, რომ ესპანეთის დედაქალაქის დატოვება, მისი ოჯახისათვის არ იქნება კომფორტული.

შეგახსენებთ, აზარი კლუბის ისტორიაში ყველაზე ძვირადღირებული ტრანსფერია და ამასთანავე, თანაგუნდელებს შორის ყველაზე მაღალანაზღაურებადის სტატუსითაც სარგებლობს. სრულიად არაფრისმომტანი მოთამაშე კვირის განმავლობაში დაახლოებით 600 ათასს ევროს იღებს.

Opta-ს სტატისტიკით, მადრიდული კარიერის განმავლობაში, აზარმა შესაძლო მატჩების მხოლოდ 36,7 პროცენტში იასპარეზა.������� dle 10.1������� ������� ������