1902 წლის 6 მარტს, საფეხბურთო კლუბ „მადრიდის“ პირველი დირექტორთა საბჭრო ოფიციალურად აირჩიეს და ასე დაიწყო მსოფლიოს საუკეთესო კლუბის მემკვიდრეობა. 121 წლის შემდეგ, მადრიდის „რეალი“ მსოფლიოს სპორტის ნიშნულია 24 ევროპული თასით (14 საფეხბურთო და 10 საკალათბურთო) და ამაყობს „ფიფას“ მიერ მე-20 საუკუნის საუკეთესო კლუბის სტატუსის მინიჭებით.

განვლილი წელი უაღრესად წარმატებული გამოდგა გუნდისთვის, 3 საერთაშორისო ტიტულით - ჩემპიონთა ლიგა, მსოფლიოს საკლუბო ჩემპიონატი და ევროპის სუპერ თასი. „რეალმა“ „დესიმოკუარტას“ მოპოვება ფინალურ მატჩში „ლივერპულის“ დამარცხებით მოახერხა, რასაც წინ უძღოდა „სანტიაგო ბერნაბეუს“ განსაცვიფრებელი „ქამებქები.“ „უეფას“ სუპერ თასზე, რომელიც ჰელსიკში გაიმართა, „რეალმა“ „აინტრახტს“ სძლია, ხოლო მაროკოში მოპოვებული წარმატებით კი, „რეალი“ ყველაზე მეტ მსოფლიოს ჩემპიონობას მოითვლის, რაც კლუბის უზენაესობას აძლიერებს. აღნიშნული ტიტულების პარალელურად, ანჩელოტის გუნდი ლა ლიგაზეც ბრწყინვალედ გაისარჯა. განსაკუთრებით აღნიშვნის ღირსია კარიმ ბენზემას წარმოდგენა, რომელიც შევიდა კლუბის ისტორიაში და დაეხმარა მას „ოქროს ბურთის“ დაბევებაში.

ყველა ამ ტიტულის გათვალისწინებით, „რეალის“ ვერცხლის სია შემდეგნაირად გამოიყურება: 14 ევროპის თასი, 8 მსოფლიოს საკლუბო ჩემპიონატი, 5 „უეფას“ სუპერ თასი, 2 „უეფას“ თასი, 35 ლა ლიგა, 19 „კოპა დელ რეი“, 12 ესპანეთის სუპერ თასი, 1 ლიგის თასი, 2 ლათინო თასი და 2 პატარა მსოფლიოს თასი. კარიერის განმავლობაში, ამანსიო ამარომ, ევროპის მე-6 თასის გმირმა, კლუბის საპატიო პრეზიდენტმა და ლეგენდამ, რომელიც 2023 წლის 21 თებერვალს გარდაიცვალა, მნიშვნელოვანი როლი ითამაშა ჩამოთვლილიდან რამდენიმე თასის მოგებაში.

„რეალის“ გულშემატკივრებისათვის სიამაყის კიდევ ერთ წყაროს „სანტიაგო ბერნაბეუ“ წარმოადგენს. ტრანსფორმაციის პროცესის წყალობით, სტდიონი კვლავ სპორტის სიმბოლოდ დარჩება და ამასთანავე, გარდაიქმნება ავანგარდულ და უნივერსალურ ხატად.

გარდა ამისა, „რეალ მადრიდ სითი“ საუკეთესო სპორტული კომპლექსია მსოფლიოში და აგრძელებს აღორძინებას მისი ინაუგურაციიდან 17 წლის შემდეგ.

და ბოლოს, კლუბი მონაწილეობს სოლიდარულ და კულტურულ პროექტებში, რომლებიც ორგანიზებულია „რეალ მადრიდის ფონდის“ მიერ