დრენტე: ძალიან ცუდად ვითამაშეთ
სტანდარტთან მატჩის დასრულების შემდეგ, სამეფო კლუბის ჰოლანდიელმა ფეხბურთელმა, როისტონ დრენტემ ჟურნალისტებთან მატჩი გაანალიზა. მისი თქმით ეს თამაში არ იყო "ბლანკოსისთვის" იოლი, რადგან ბელგიური კლუბი გაცილებით უფრო ძლიერი აღმოჩნდა ვიდრე ამას ვინმე მოელოდა. დრენტეს თქმით "რეალი" ჩამოყალიბების პროცესშია და სეზონის ბოლოს ეს გუნდი აუცილებლად მოიგებს რომელიმე ტიტულს...
"ძალიან ცუდად ვითამაშეთ და არავინაა კმაყოფილი, მაგრამ ყველაფერი მოგვარდება, ეს თამაში ამხანაგური იყო და ბევრს არაფერს წყვეტდა, თუმცა მოგებას ნამდვილად ველოდით."
"სტანდარტს მართლაც ძალიან კარგი გუნდი ჰყავს, თითოეული ფეხბურთელი დიდ ძალას ხარჯავს ბურთთან კონტაქტისას და სწორედ ეს არის მათი კოზირი, მართლაც აღმაფრთოვანებელია მათ მონდომება, ეს გუნდი ბელგიის ჩემპიონატის უდავო ფავორიტად უნდა ჩავთვალოთ."
"სეზონის დაწყებამდე 2 კვირა რჩება, პირველი მატჩისთვის დიდი მონდომების ვემზადებით, რადგან ლა ლიგაში ქულების დაკარგვა ყოველთვის სახიფათოა."
- 18 აგვისტო 2010
- 1333
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
