სამეფო კლუბმა „ლა კოპას“ პირველი ნახევარფინალური დაპირისპირება მინიმალური ანგარიშით წააგო (0-1). რა თქმა უნდა, ფინალური საგზურის ბედი „ნოუ კამპზე“ გადაწყდება.

ESPN-ის ინფორმაციით, განვლილი მატჩის შემდეგ, „სანტიაგო ბერნაბეუს“ ოფისებში კარლო ანჩელოტიმ დიდი კრიტიკა დაიმსახურა. კლუბის ხელმძღვანელობა უკმაყოფილოა იტალიელი დამრიგებლის ქმედებებით. ისინი ფიქრობენ, რომ მწვრთნელს „ელ კლასიკოსთვის“ გეგმა ბ არ ჰქონდა შემუშავებული. მართალია, მადრიდელები მთელი შეხვედრის განმავლობაში დომინირებდნენ, თუმცა ერთხელაც კი ვერ დაარტყეს კარში.

გამომდინარე იქედან, რომ კატალონიელებმა წარმატებით შეძლეს ვინისიუსის განეიტრალება, „თეთრებმა“ შეტევის სხვა ვარიანტი ვერ მოძებნეს.

ამასთანავე, ანჩელოტის არ მოუწონეს კროოსისა და მოდრიჩის სასტარტო შემადგენლობაში ერთად განწესება, ვინაიდან თამაშის საკმაოდ მომთხოვნი იყო ფიზიკური თვალსაზრისით და შესაბამისად, ისინი მზად არ იყვნენ ამისთვის.

პირველი პირების აზრით, შეცდომა იყო ნაჩო ფერნანდესის ასპარეზობა მარცხენა ფრტაზე. ეს უკანასკნელი სათანადო მხარდაჭერას ვერ უკეთებდა ვინისიუსს წინა ხაზში.������� dle 10.1������� ������� ������