„რეალმა“ კანისარესს კონტრაქტი გაუხანგრძლივა
ლუკას კანისარესმა სამეფო გუნდთან კონტრაქტი გაახანგრძლივა და აღნიშნულის შესახებ მან სოციალური ქსელის საშუალებით აუწყა გულშემატკივრებს.
საკმაოდ იმედისმომცემი და პერსპექტიული მეკარე, ამჟამად, „რეალ მადრიდ კასტილიას“ ღირსებას იცავს, ხოლო კლუბის რიგებში 11 წლის ასაკიდან ირიცხება. ის რამდენჯერმე იქნა გამოძახებული მთავარი შემადგენლობის რიგებში. მეტიც, კურტუას ტრავმის გამო, სწორედ ლუკასი იყო „ბლანკოსის“ მესამე კარის დარაჯი მსოფლიოს საკლუბო ჩემპიონატზე.
როგორც იცით, ის ლეგენდარული მეკარის, სანტიაგოს შვილია. ეს უკანასკნელი კი, მადრიდელთა კოლექტივში 4 სეზონის განმავლობაში გამოდიოდა.
აღსანიშნავია, რომ 20 წლის მოთამაშემ ჯერ-ჯერობით ვერ მოახერხა რაულის სრული ნდობის მოპოვება, ვინაიდან „ელ კაპიტანო“ ძირითადათ დე ლუისზე აკეთებს აქცენტს.
- 27 თებერვალი 2023
- 977
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
