ბენზემას პრეს-კონფერენცია
მადრიდის "რეალის" ფორვარდმა, კარიმ ბენზემამ პრეს-კონფერენცია გამართა, სადაც მან განაცხადა, რომ წელს ძალიან ბევრ გოლს გაიტანს.
"რაც გასულ სეზონში მოხდა ყველაფერი წარსულს ჩაბარდა. გული მიგრძნობს, რომ წელს ძალიან ბევრ გოლს გავიტან. ფიზიკურად უფრო მოვძლიერდი და ბევრს ვმუშაობ გუნდის დასახმარებლად."
"მოურინიო დიდებული მწვრთნელია. იგი ჩემთან ხშირად მოდის და რაღაც-რაღაცეებს მეკითხება. არ მინდა, რომ მას იმედები გავუცრუო."
"გასული სეზონი ძალიან რთული იყო ჩემთვის, რადგან ჩემი ქვეყნის ფარგლებს გარეთ პირველად მომიწია თამაში. მე და ჩემი ოჯახი შევეგუეთ მადრიდს და უზომოდ ბედნიერი ვარ აქ ყოფნით."
"მადრიდი რეალი დიდებული გუნდია. ამ მომენტისთვის ცენტრალური ფორვარდები მხოლოდ მე და იგუაინი ვართ, დანარჩენები კი ფლანგებიდან გვეხმარებიან."
"კაკას თამაში ძალიან მომენატრება. იგი გუნდის ერთ-ერთი ლიდერია, ამიტომ ვიმედოვნებ, იგი მალე დაგვიბრუნდება და თავის სიტყვას იტყვის."
- 16 აგვისტო 2010
- 1674
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
