„გუნდი თავს კარგად გრძნობს. მოხარულნი ვართ, რომ ისევ „სანტიაგო ბერნაბეუზე“ მოგვიწევს ასპარეზობა.“

„„ელჩეს“ წინააღმდეგ ლუკას ვასკესი დაგვიბრუნდება, ხოლო ტონი კროოსი ვერ დაეხმარება თანაგუნდელებს. მწყობრშია ედერ მილიტაოc, რომელიც მუნდიალის ფინალსაც მზადყოფნაში შეხვდა. რაც შეეხება კურტუას, ბელგიელი „ოსასუნასთან“ შეძლებს მოედანზე გასვლას.“

„„FIFPro“ განაცხადი ვინისიუსის გარეშე? არ გავცნობივარ აღნიშნულს, თუმცა თუ ვინის ადგილი ვერ მოიძებნა, ეს არის შეცდომა.“

„დაცვის მარცხენა ფრთა? ვერ გეტყვით, გააგრძელებს თუ არა კამავინგა ასპარეზობას ამ პოზიციაზე. მან წარმატებით გაართვა თავი ახალ ამპლუას, მაგრამ ეს საგანგებო სიტუაციის დროს მოხდა. განივიხილავთ ალაბასა და ნაჩოს ვარიანტებსაც.“

„ნაჩოს ყოველთვის წარმატებით ასპარეზობს. გააგრძელებს თუ არა კონტრაქტს, მისი გადასაწყვეტია.“

„ვინისიუსის ნაცვლად „ელჩესთან“ როდრიგო ითამაშებს მარცხენა შემტევად.“

„„ბარსელონა“ შესანიშნავად გამოიყურება, ჩავის კოლექტივი საკმაოდ სოლიდურია. ისინი ცოტა გოლს უშვებენ, რაც წარმატების გასაღებია.“

„დიდი ალბათობით, ედენ აზარი ხუთშაბათს განაახლებს ვარჯიშს.“

„არ ვფიქრობ, რომ კრიტიკულ სიტუაციაში ვიყოთ. „რეალი“ ყველა ტურნირზე ბოლო წუთამდე იბრძოლებს.“

„მართალია, კარიმი ბავშვი აღარ არის, თუმცა, ვგონებ, მომავალ სეზონშიც ნაყოფიერი იქნება. ახალი ცხრიანი? ახლა ამაზე სასაუბროდ შესაფერისი დრო არ არის.“

„ჩემი აზრით, კროოსი კარიერას არ დაასრულებს, ვნახოთ, რა მოხდება.“

„საჭიროა დაცვაში საიმედო თამაში. რიგ შემთხვევებში მიუტევებენ შეცდომებს ვუშვებთ, რაც დაუშვებელია.“

„ვერ გეტყვით, უკვე მოაწერა თუ არა ახალ კონტრაქტს ხელი ბენზემამ. ჩემი პოზიცია არის, რომ ლეგენდები უნდა დარჩნენ ამ კლუბში.“

„ბრაზილიის მწვრთნელობა? შემადგენლობის ბრაზილიელი ფეხბურთელები ბევრს ხუმრობენ ამასთან დაკავშირებით, რეალობა კი განსხვავებულია. სამეფო კლუბთან მოქმედი ხელშეკრულება მაკავშირებს და მას 2024 წლის ზაფხულამდე აქვს ვადა.“