ის, რომ „სონ მოიქსზე“ შეკრებილი პუბლიკა ვინისიუსის მიმართ არამასპინძლურად იქნებოდა განწყობილი მატჩამდეც ნათელი იყო.

„მალიორკასთან“ მატჩის პირველივე წუთებიდანვე, ბრაზილიელ შემტევს რამდენიმე მეტოქე აკონტროლებდა. მათ პირდაპირი ნადირობა ჰქონდათ გამოცხადებული 22 წლის მოთამაშეზე.

„წითლები“ ვინის წინააღმდეგ 10-ჯერ დაჯარიმდნენ. მან ისკოს შედეგი გაიმეორა, რომელიც 2013 წელს, „ბეტისის“ ფეხბურთელებმა ასევე 10-ჯერ შეაჩერეს აკრძალული ხერხით.

აღსანიშნავია, რომ მიუხედავად ასეთი ზეწოლისა, ვინისიუსი მაინც ბოლომდე იბრძოდა. მეორე ტაიმში შემტევმა პენალტიც მოუტანა გუნდს, თუმცა ასენსიოს დარტყმული მეკარემ მოიგერია.

გარდა ამისა, მთელი შეხვედრის განმავლობაში, სამხრეთ ამერიკელი არა ერთი პროვოკაციული ქმედებისა და დაცინვის მსხვერპლი გახდა. მაფეოს დაბალი დონის საქციელი ოპერატორმაც დააფიქსირა.