ანჩელოტი:„ბრძოლა გრძელდება, „ბარსელონა“ ჩემპიონი არ არის“
/cdn.vox-cdn.com/uploads/chorus_image/image/71498503/1243789668.0.jpg)
ანჩელოტიმ „მალიორკასთან“ წაგების შემდეგ პრესკონფერენცია გამართა...
„მჯერა, რომ ყველაფერი რაც ხდება ვინისიუსის ბრალი არ არის. ბრაზილიელი ფეხბურთელის წინააღმდეგ მეტოქეები განსაკუთრებული აგრესიით გამოირჩევიან, რაც ძალიან სამწუხაროა. ერთადერთი, რაც წინახაზელს სურს კარგი ფეხბურთის თამაშია. გარემო მასზე მაქსიმალურად ზემოქმედებს, მაგრამ ჩვენ აქ ვართ იმისთვის, რომ ვინის მხარი დავუჭიროთ.“
„ვემშვიდობებით, თუ არა ლა ლიგას? ეს მარცხი ძალიან მტკივა, მაგრამ ჯერ კიდევ ყველაფერი წინ არის. დანებება ჩვენ არ გვჩვევია, ჩვენ ყოველთვის ბოლომდე ვიბრძვით და წარმატების გასაღებსაც სწორედ ამაში ვხედავთ.“
„რთულ მატჩს ველოდით, მაგრამ ეს განსაკუთრებით მძიმე პაექრობა გამოდგა. პირველივე წუთებზე შემთხვევითი გოლი გავუშვით, ამას მოჰყვა პენალტის გაფუჭება, რამაც ფსიქოლოგიურად იმოქმედა.“
„ასენსიო მე ავირჩიე. ბენზემა არ მყავდა, არც მოდრიჩი და კროოსი, სწორედ ამიტომ, თერთმეტმეტრიანის შესრულება ვილემსენს დავავალე.“
„კურტუას გახურების დროს პრობლემები შეექმნა, სწორედ ამიტომ არ გავრისკე და მოედანზე გასვლის საშუალება ანდრეი ლუნინს მივეცი.“
„მსოფლიო საკლუბო ჩემპიონატზე დიდი ენთუზიაზმით მივდივართ, ვიცით, რომ გამოწვევა დიდია და შესაბამისად უნდა ვუპასუხოთ.“
„„ბარსელონასთან“ სხვაობა დიდია, მაგრამ მოდით, დაველოდოთ რა მოხდება ჩავის გუნდსა და „სევილიას“ შორის. ჩვენ ყველა შემთხვევში ვაგრძელებთ ბრძოლას. თუ კატალონიელებს ჰგონიათ, რომ „რეალი“ დანებდა, ეს სიცრუეა.“
„წაგების მთავარი მიზეზი? აგირეს გუნდს მკაფიო იდეა ჰქონდა, ჩვენ კი ქაოტურად ვითამაშეთ. სწორედ ამიტომ დავმარცხდით.“
„მასპინძლები თამაშის წესებს ძალიან ხშირად არღვევდნენ, ეს ფაქტია, რომელსაც ვერ გავექცევით.“
- 5 თებერვალი 2023
- 4653
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
