რაულ გონსალეს ბლანკოს შეგირდებმა მიჯრით მესამე ფრე დააფიქსირეს.

Primera RFEF-ს 21-ე ტურში, „კასტილია“ „პონტევედრას“ ესტუმრა. საგულისხმოა, რომ „თეთრები“ 90-ე წუთამდე ამარცხებდნენ მეტოქეს, თუმცა ადგილობრივებმა მაინც მოახერხეს თამაშის გადარჩენა და ტაბლოზე 1-1 დააფიქსირეს.

არსებული მომენტისათვის, მადრიდელები 41 ქულით სატურნირო ცხრილში მეორე პოზიციას იკავებენ და მხოლოდ 2 ქულით ჩამორჩებიან ლიდერ „ალკორკონს.“

„კასტილიის“ შემადგენლობა განვლილ მატჩში: დე ლუისი, ტობიასი, რაფა მარინი, კარილიო, ტეო, არიბასი, პეტერი (ლეივა, 76'), ალვარო მარტინი, მარველი, იკერ ბრავო (ვილარი, 84') და ობრადორი.
გოლები: 0-1 პეტერი (35'), 1-1 ჩარლესი (90')

5 თებერვალს, „ალფრედო დი სტეფანო“ ცენტრალურ პაექრობას უმასპინძლებს. ახალგაზრდა მადრიდისტები სწორედ „ალკორკონს“ შეერკინებიან და ეცდებიან პირველი ადგილის დაბევებას.������� dle 10.1������� ������� ������