დუშან ვლაჰოვიჩს „იუვენტუსის“ დატოვება სურს
დუშან ვლაჰოვიჩს ტურინის „იუვენტუსის“ და ზოგადად სერია „ა“-ს დატოვება აქვს განზრახული...
ფეხბურთელი ძალიან უკმაყოფილოა განვითარებული მოვლენებით, რომელიც „ბებერი ქალბატონისთვის“ დაკლებულ ქულებს, ხელმძღვანელობაში არსებულ არეულობას და სატრანსფერო პოლიტიკას ეხება.
ბრიტანული გამოცემების ცნობით, ვლაჰოვიჩის დამატება ლონდონის „ჩელსის“ სურს, რომელმაც ამ ზამთარშიც კი რეკორდული რაოდენობის თანხა დახარჯა.
ესპანური გამოცემების ცნობით კი, ვლაჰოვიჩის კანდიდატურით ფლორენტინო პერესიც ინტერესდება, რომელიც მოთამაშეზე ადრეც ნადირობდა, მაგრამ ლუკა იოვიჩის ცუდი მაგალითის გამო, დიდი თანხის გადახდა ვერ გარისკა.
ვლაჰოვიჩმა „იუვენტუსში“ საკუთარი კლასი ყველას დაუმტკიცა, ასევე ყველასთვის თვალსაჩინო გახადა, რომ დისციპლინირებული და მიზანზე ორიენტირებული ფორვარდია.
ესპანური გამოცემების ცნობით, ფლორენტინოს დუშანის დამატება დაახლოებით 70 მილიონ ევროდ შეეძლება.
2000 წელს დაბადებული ვლაჰოვიჩი დღეს იუბილარია, მას 23 წელი შეუსრულდა. აღსანიშნავია, რომ მიმდინარე სეზონში სერია „ა“-ში ჩატარებულ 10 დაპირისპირებაში მის ანგარიშზე 6 გატანილი გოლი და 1 საგოლე გადაცემაა.
- 28 იანვარი 2023
- 1077
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
