ორშაბათს, ესპანეთის სამეფოს ფეხბურთის ფედერაციის შტაბ-ბინაში „კოპა დელ რეის“ ნახევარფინალური ეტაპის კენჭისყრა გაიმართება.

როგორც უკვე იცით, მეოთხედფინალური სტადია „რეალმა,“ „ბარსელონამ,“ „ოსასუნამ“ და „ატლეტიკმა“ დაძლიეს. შესაბამისად, დიდი შანსი არსებობს იმისა, რომ ფინალისაკენ მიმავალ გზაზე, ორმატჩიანი „ელ კლასიკო“ შედგეს.

პირველი ნახევარფინალური პაექრობა 8 თებერვალსაა ჩანიშნული, თუმცა „ბლანკოსი“ მსოფლიოს საკლუბო ჩემპიონატზე გამგზავრების გამო, მასში მონაწილეობას ვერ მიიღებს. „თეთრებს“ აღნიშნული მატჩის ჩატარება 13-17 თებერვლის პერიოდში შეეძლებათ, მაგრამ ამ შემთხვევაში, მათი მოწინააღმდეგე ან „ატლეტიკი“ უნდა იყოს, ან „ოსასუნა,“ ვინაიდან მომცემულ შუალედში „ბლაუგრანა“ ევროპა ლიგაზე იასპარეზებს.

თუ წილისყრამ მადრიდულ-კატალონიური ჯახი გამოავლინა, საწყისი დაპირისპირება 1 მარტს გაიმართება, ხოლო განმეორებითი 5 აპრილს.������� dle 10.1������� ������� ������