სიმეონე:„ეს ფეხბურთელი „რეალში“ ყველაზე საშიშია“
დიეგო სიმეონემ მადრიდული დერბის წინ პრესკონფერენცია გამართა, სადაც „რეალზეც“ ისაუბრა...
„ყოველთვის არსებობს განსხვავებული მოსაზრებები, მაგრამ რეალობას ჩვენ მხოლოდ მოედანზე ვნახულობთ. არ მსურს ფავორიტებზე საუბარი. რატომ? იმიტომ, რომ მადრიდულ დერბიში მსგავსი რამ არ არსებობს.“
„ჩემი გუნდი ბოლომდე დაიხარჯება. ყველა ფეხბურთელი მაქსიმალურად ეცდება წარმატების მიღწევას. ვიცით, რომ „ლა კოპას“ მოგება მნიშვნელოვანი იქნება.“
„ჩვენ უნდა ვიასპარეზოთ არა ვინისიუს ჟუნიორის, არამედ მადრიდის „რეალის“ ყველა ფეხბურთელის წინააღმდეგ. დიახ, ბრაზილიელი ალბათ ყველაზე საშიშია, მაგრამ მასზე ინდივიდუალურ მეურვეობას არ დავაწესებთ.“
„ანჩელოტისთან კარგი ურთიერთობა მაქვს, მის კვალიფიკაციაზე საუბარი ახლა ნამდვილად არ ღირს. იტალიელი ერთ-ერთი ყველაზე გამოცდილი სპეციალისტია, რომლის ანგარიშზეც უამრავი ტიტული ირიცხება.“
- 26 იანვარი 2023
- 1400
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
