დასკვნითი ვარჯიში „ატლეტიკთან“ მატჩამდე და დიდი დანაკლისი
მადრიდის „რეალის“ ფეხბურთელებმა „ბილბაოსთან“ დაპირისპირების წინ ფინალური ვარჯიში გამართეს და მთავარი მწვრთნელისგან ბოლო დარიგებები მიიღეს...
პირველ რიგში აღსანიშნავია, რომ სესიაზე ინდივიდუალური დატვირთვა მიიღეს ტრავმირებულებმა (დავიდ ალაბამ, ორელიან ჩუამენიმ, დანიელ კარვახალმა, ლუკას ვასკესმა). მათ რიგებს ედენ აზარიც დაემატა, რომელმაც კოჭი აიტკივა.
სრული დატვირთვით ივარჯიშა ლუკა მოდრიჩი, რომელმაც „ვილიარეალთან“ დაისვენა და ძალების აღდგენის საშუალება მიეცა.
მთავარია მწვრთნელმა ვარჯიშზე დიდი ყურადღება დაუთმო ბურთის ფლობის კომპონენტს, ტაქტიკურ მონახაზებს, მოკლე სივრცეში ზუსტ თამაშს, კარში დარტყმებს და პრესინგს.
შეგახსენებათ, „ბილბაოსა“ და „რეალის“ პაექრობა „სან მამესზე,“ ხვალ, 22 იანვარს, თბილისის დროით 23:55 საათზე აიღებს სტარტს.
შეხვედრა ლა ლიგის მე-17 ტურის ეგიდით გაიმართება.
- 21 იანვარი 2023
- 642
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
