სებალიოსის კომენტარი დიდებული მატჩის შემდეგ
დანი სებალიოსი „ვილიარეალთან“ მატჩში გმირად მოევლინა „რეალს.“ ესპანელმა ნახევარცველმა „ლა სერამიკაზე“ ჩატარებული შეხვედრა შეაჯამა.
„მართალია, რომ ცუდი პირველი ნახევი გვქონდა, სადავეები ჩვენს ხელში არ იყო, მაგრამ როგორც მწვრთნელი ამბობს, როდესაც ასეთი პერიოდი გვიდგას, ჩვენში სიმამაცე და მიზანსწრაფულობა იღვიძებს, რაც ამ გუნდის ღირსების დაცვის სიამაყითაა გამოწვეული. სწორედ ამის წყალობით შევძელით თამაშის შემოტრიალება.“
„მეტოქე სწრაფად დაწინაურდა და დომინაცია მოიპოვა. „რეალმა“ კარგად იცის, თუ როგორ უნდა დარჩეს ნებისმიერ შემთხვევაში ცოცხალი და ეს არა ერთხელ დაუმტკიცებია. ჩვენი გუნდი არასდროს უნდა დარჩეს მკვდრად.“
„ბოლო მატჩების განმავლობაში არცთუ ისე სახარბიელოდ გამოვიყურებოდით. ზედიზედ რამდენიმე დაპირისპირების გამართვა მოგვიხდა და ეს იმის გათვალისწინებით, რომ ფეხბურთელმა უმრავლესობამ მსოფლიოს ჩემპიონატზე იასპარეზა. წინ არა ერთი მნიშვნელოვანი ღონისძიება გველოდება და მაქსიმუმს გავიღებთ.“
„როდესაც „რეალის“ ღირსებას იცავ, ნებისმიერი წუთის გამოყენება გმართებს. შესაძლებელია სათადარიგოდან დაიწყო თამაში, მაგრამ საჭიროების შემთხვევაში, შესაბამის დონეზე უნდა წარმოაჩინო თავი.“
„თითოეულ მოთამაშის სურვილია მოედანზე დიდი დროის გატარება, მაგრამ მესმის რომ სირთულესთანაა დაკავშირებული. ბედნიერი ვარ, რომ გუნდს გამარჯვებაში დავეხმარე გატანილი გოლით.“
- 20 იანვარი 2023
- 572
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
