„ვიცით, რომ რთული თამაში გველის, მაგრამ ეს არის ბრწყინვალე შანსი იმისა, რომ განწყობა გავიუმჯობესოთ და საკუთარი ძალები ვირწმუნოთ.“

„ტიბო და კარიმ ბენზემა „ლა სერამიკაზე“ იასპარეზებენ.“

„ტრავმები პრობლემებს გვიქმნის, მაგრამ ეს არ არის გამამართლებელი მიზეზი. ვიცოდით, რომ იანვრის თვე მარტივი არ იქნებოდა, ეს განჭვრეტადი იყო, თუმცა ვმუშაობთ სიტუაციის დასაძლევად. ვიღაცები აღნიშნავენ, „რეალი“ დაეცა. ჩვენ აუცილებლად დავბრუნდებით და იმედია ხვალ მოხდება ეს. მიუხედავად ყველაფრისა, გუნდი ბოლომდე იბრძოლებს. ჩვენ დანებებას არ ვაპირებთ.“

„„ციკლის დასასრული? აქ არიან მოთამაშეები, რომლებიც კარიერის ბოლო წლებს ატარებენ, მათ მნიშვნელოვანი წვლილი აქვთ შეტანილი გუნდის წარმატებაში, მაგრამ თქვენ უნდა ისაუბროთ ისეთ ახალგაზრდებზე, როგორებიც არიან: ვინისიუსი, როდრიგო, კამავინგას, ჩუამენი და სხვები. საქმე გვაქვს ციკლის დასაწყისთან და არა პირიქით.“

„მოდრიჩის მდგომარეობა ოპტიმალური არ არის, მან მუნდიალზე უდიდესი დატვირთვა მიიღო, თუმცა მალე დაიბრუნებს საუკეთესო დონეს. რაც შეეხება კროოსს, ის კარგად გამოიყურება.“

„კამავინგას შეცვლა „ვალენსიასთან“? ეს იმიტომ მოხდა, რომ ფრანგს წითელი ბარათი არ მიეღო, ხოლო „ბარსელონასთან“ დაპირისპირებაში მისი მოედნიდან გაყვანა შეტევის გაძლიერებას უკავშირდებოდა. ედუარდო არა ერთხელ გავიყვანე მოედნიდან შესვენების დროს და ეს შესაძლებელია მცირე უსამართლობაც იყოს მის მიმართ. რაც მთავარია, ფრანგი სრული ნდობით სარგებლობს და ჩვენ გვჯერა მისი შესაძლებლობების.“

„ნაჩო მრავალფეროვანი ფეხბურთელია. „ვალენსიას“ წინააღმდე ნაყოფიერად გიასარჯა მარცხენა ფრთაზე. უკანა ხაზში ყურადღებით გვმართებს თამაში. ბოლო მატჩებში 5 ისეთი გოლი გავუშვით, რომლის არიდებაც შეგვეძლო.“

„წინა წლის იანვარშიც გვქონდა ჩავარდნა, მაგრამ წარმატებით დავძლიეთ. ვიმედოვნებ, ახლაც ანალოგიურად განვითარდება მოვლენები.“

„კროოსი ჩუამენის შემცვლელად? ეს არ არის ერთადერთი ვარიანტი. ვფიქრობ, იქნება მატჩები, როდესაც გაცილებით ძალისმიერ მოთამაშეზე გავაკეთებთ არჩევანს. მაგალითად, კამავინგაზე.“

„„რეალში“ დიდ ყურადღებას აქცევენ აკადემიას. ყველა სეზონს აქვს თავისი მომენტი. პერიოდულად მიეცამათ შანსი ახალგაზრდა მოთამაშეებსაც.“

„ვინისიუს ტობიაში განაცხადში იქნება. არ არის გამორიცხული, სათამაშო წუთებიც მიიღოს. კარვახალი და ლუკასი ტრავმირებულნი არიან, ხოლო ოდრიოსოლა დაბრუნდა.“

„ჩვენ ვცდილობთ სიმშვიდის შენარჩუნებას. ბრძოლას ყველა ტურნირზე გავაგრძელებთ. დიდებული შემადგენლობა გვყავს.“