სამეფო კლუბის ფეხბურთელებმა „ვილიარეალთან“ მატჩამდე დასკვნითი ვარჯიში გამართეს.

განვლილ სესიაზე კარლო ანჩელოტიმ ბოლო მითითებები მისცა შეგირდებს, რომლებიც სხვადასხვა კომპონენტის გაძლიერებაზე მუშაობდნენ. ტრავმირებულმა მოთამაშეებმა (ალაბა, ჩუამენი, ვასკესი და კარვახალი) ინდივიდუალური პროგრამით დაიტვირთნენ. ისინი „კოპა დელ რეის“ მევერდფინალურ შეხვედრაში მონაწილეობას ვერ მიიღებენ.

აღსანიშნავია, რომ უფროსი თანაგუნდელების გვერდით ირჯებოდნენ ვინისიუს ტობიასი, ხავიერ ვილარი და მარველი. დიდი ალბათობით, „შახტარის“ საკუთრებაში მყოფი 18 წლის ბრაზილიელი განაპირა მცველი „ყვითლებთან“ მატჩის განაცხადშიც მოხვდება.

„ვილიარეალისა“ და „რეალის“ პაექრობა 19 იანვარს, 23:59 საათზე აირებს სტარტს.