კურტუა: „შარშანდელი ბენზემა კიდევ 1 გოლს გაიტანდა“
ტიბო კურტუა „ვალიადოლიდის“ წინააღმდეგ დიდებულად გაისარჯა. ბელგიელმა კიპერმა რამდენიმე ეპიზოდში შესანიშნავი სეივით იხსნა გუნდი გატანილი გოლისგან.
აღსანიშნავია, რომ პრიმერა დივიზიონის მასშტაბით, მიმდინარე სეზონში კურტუამ პირველად შეინახა კარი მშრალად. მან ნამატჩევს DAZN-თან გააკეთა კომენტარი.
„განვლილ შეხვედრაში მოვლენები კარგად განვითარდა. ცხადია, მირჩევნია თამაში 3-2 ან 3-1 დასრულდეს ჩვენს სასარგებლოდ, ვიდრე 0-0. კარიმმა დიდი წვლილი შეიტანა გამარჯვებაში.“
„სიმართლე გითხრათ ვერ გავიგე, როდის ინიშნება პენალტი ხელით თამაშის დროს და როდის არა. „ჟირონასთან“ მსგავსი ეპიზოდის შემდეგ, რომელშიც ასენსიო მონაწილეობდა, მსაჯმა თერთმეტმეტრიანის ნიშნულისაკენ მიგვითითა.“
„ბოლო პერიოდის განმავლობაში ბენზემას უქმობა უწევდა, შესაბამისად, რითმს მოკლებულია. ვფიქრობ, შარშანდელი კარიმი „ვალიადოლიდს“ 1 გოლს კიდევ გაუტანდა.“
„წინ სათასო შეხვედრა გველოდება, ხოლო შემდეგ „ვილიარეალთან“ პაექრობა. ვნახოთ, თუ შევინარჩუნებთ ლიდერის პოზიციას.“
- 31 დეკემბერი 2022
- 681
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
