ბრაჰიმ დიასი უკვე სამი სეზონის განმავლობაში „მილანში“ ასპარეზობს იჯარის ხელშეკრულების საფუძველზე.

წლეულს, ესპანელი შემტევის ანგარიშზეა 15 შევხედრა, 4 გოლი და 1 ასისტი. Olocip-ის მონაცემებით (ხელოვნური ინტელექტი), მიმდინარე სეზონში ის „როსონერის“ მესამე ყველაზე ღირებული ფეხბურთელია.

ცხადია, სამეფო კლუბში გამადიდებელი შუშით აკვირდებიან ბრაჰიმს, რომელიც 2019 წელს „მანჩესტერ სიტიდან“ შეიძინეს 17 მილიონი ევროს სანაცვლოდ და 2025 წლის ზაფხულამდე გაუფორმეს კონტრაქტი.

არსებული მომენტისათვის, უცნობია რა გადაწყვეტილებას მიიღებს „ბლანკოსი“ ფეხბურთელთან დაკავშირებით, მაგრამ ყველაფერი დამოკიდებულია, როგორც მოთამაშის ასპარეზობაზე (სეზონის მეორე ნახევარში), ასევე უშუალოდ შემადგენლობაში განსახორციელებლ ცვლილებებზე, ვინაიდან ანჩელოტის გუნდში საკმაოდ მაღალი კონკურენციაა და თუ არავინ წავიდა, ფეხბურთელის დაბრუნება ყოველგვარ აზრს მოკლებულია.

AS-ის ცნობით, „მილანს“ დიასის ტრანსფერის გამოსყიდვის უფლება არ აქვს. ნებისმიერ შემთხვევაში ის ზაფხულში ჩაფრინდება ესპანეთის დედაქალაქში.������� dle 10.1������� ������� ������