სამეფო კლუბი 30 დეკემბერს გაანაახლებს სეზონს.

ზამთარში ჩატარებული მსოფლიოს ჩემპიონატიდან გამომდინარე, კლუბების კალენდარში დიდი ცვლილებები განხორციელდა. ნებისმიერ გუნდს საკმაოდ შემჭიდროვებულ ვადებში უწევს თამაშების გამართვა და ეს ფაქტორი ყველაზე მეტად სამეფო კლუბს შეეხო, რომელსაც მომდევნო 60 დთის განმავლობაში 5 ტურნირზე მოუწევს ასპარეზობა და ანჩელოტის შეგირდები დაახლოებით 16-ჯერ გავლენ მწვანე მინდორზე.

ცხადია, ასეთი არანორმალური გრაფიკის გადავლა შეუძლებელი იქნება სათანადო ფიზიკური კონდიციების გარეშე. შესაბამისად, ანტონიო პინტუსი უკვე დიდი ხნის განმავლობაში საქმეშია. მას გაწერილი აქვს ყველაფერი და იტალიელი სპეციალისტიც სრულად ენდობა.

ალბათ, კარგად გახსოვთ განვლილი სეზონი და ჩემპიონთა ლიგის საპლეიოფო სტადიაზე განხორციელებული ქამბექები, სადაც „რეალი“ სათამაშო ფორმის კომპონენტში ერთი თავით მაღლა იდგა მეტოქეებზე. ეს ყველაფერი კი, სწორედ პინტუსის დამსახურება იყო.

მუნდიალით გამოწვეული არდადეგებიდან დაბრუნის შემდეგ, ანტონიო უკვე სპეციალური პროგრამით ავარჯიშებს მადრიდელებს. მისი მეთოდები გუნდს საშუალება მისცემს, თითოეულ ტურნირზე ოქროს მედლებისთვის იბრძოლოს.������� dle 10.1������� ������� ������