„რეალის“ პრეზიდენტი 5 ფეხბურთელში 450 მილიონის დახარჯვას გეგმავს
მადრიდის „რეალს“ 2023 წლის ზაფხულში ძალიან ამბიციური გეგმები აქვს. მადრიდის „რეალი“ კარლო ანჩელოტისთან ერთად ახალი პროექტის დაწყებას გეგმავს...
ფლორენტინო პერესი ზაფხულში 450 მილიონი ევროს დახარჯვას აპირებს, რაც გუნდის რესურსს ყველა რგოლში მნიშვნელოვნად გაზრდის.
ერთ-ერთ უმთავრეს პრიორიტეტად ჯუდ ბელინგემი ითვლება, რომლის ტრანსფერი 130-იდან 150 მილიონ ევრომდე დაჯდება. ინგლისელმა მსოფლიო ჩემპიონატზეც დაამტკიცა, რომ უმაღლესი კლასის ფეხბურთელია და დიდ პერსპექტივას ფლობს.
ასევე დიდი მნიშვნელობა მიენიჭება ენცო ფერნანდესის ტრანსფერს, რომელიც მუნდიალის საუკეთესო ახალგაზრდა ფეხბურთელი გახდა და ყველას აჩვენა საკუთარი შესაძლებლობები. „მერენგები“ მოთამაშის დამატებას 75-80 მილიონი ევროს ფარგლებში ვარაუდობენ.
„ბლანკოსში“ ძალიან სერიოზულად ფიქრობენ რაფაელ ლეაოს დამატებაზეც, რომლის პორტუგალიის ნაკრებიც არც ისე წარმატებული გამოდგა, მაგრამ თავად რაფამ სტაბილურობა აჩვენა. მისი ფასი ფაქტობრივად 100 მილიონ ევროს უტოლდება.
კიდევ ერთი დიდი სამიზნე იოსკო გვარდიოლი იქნება, რომელმაც ხორვატიის ნაკრებში საოცარი გამოსვლის შემდეგ საკუთარი ფასი კიდევ უფრო გაზარდა. იოსკოს დიდ დახმარებას უწევს ლუკა მოდრიჩიც. გუარდიოლის ფასიც მინიმუმ 80 მილიონ ევრომდეა გაზრდილი.
ასევე განიხილება ფრან გარსიას ტრანსფერიც, თუმცა მის გარდა „ბლანკოსში“ დაცვის ფლანგის გასაძლიერებლად სხვა კანდიდატურებსაც განიხილავენ.
- 24 დეკემბერი 2022
- 7762
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
