თითქოს ყველაფერი გარკვეული იყო, თითქოს კრიშტიანო რონალდუ კარიერას „ალ ნასრში“ აგრძელებდა და 2 წელიწადსა და 6 თვეში 200 მილიონ ევროს გამოიმუშავებდა, მაგრამ საქმე ასე მარტივად არ არის...

მადრიდული გამოცემების ცნობით, გარდა 30 თვიანი კონტრაქტისა, „ან ნასრის“ ხელმძღვანელობა რონალდუს სთხოვს, რომ ამ კლუბის და ზოგადად საუდის არაბეთის ელჩის სტატუსი მიიღო და მსოფლიოს 2030 წლის ჩემპიონატისთვის ამ ქვეყნის ინტერესები გაატაროს.

საუდის არაბეთს მუნდიალის მასპინძლობა სურს და ამისთვის ყველაფერს აკეთებს. რონალდუს რეპუტაციისა და სტატუსის მქონე ფეხბურთელის მხარში დგომა კი მას დიდ დახმარებას გაუწევს.

„მარკა“ იუწყება, რომ შეთანხმების შემთხვევაში, პორტუგალიელ ლეგენდას დამატებითი შემოსავლების მიღებაც შეეძლება, მაგრამ რამდენად თანახმაა, რომ მომდევნო 8 წლის განმავლობაში საუდის არაბეთის წარმომადგენლებთან ითანამშრომლოს უცნობია.

როგორც სჩანს, კრიშტიანოს სარისკო გადაწყვეტილების მიღება უჭირს და სწორედ ამიტომ იწელება მოლაპარაკებები.������� dle 10.1������� ������� ������