სამეფო კლუბის ყურადღება 24 წლის მარცხენა მცველმა მიიპყრო, რომელიც, ამჟამად, გერმანიის ნაკრებთან ერთად მსოფლიოს ჩემპიონატზე მონაწილეობს.

დავიდ რაუმი განვლილ ზაფხულს „ჰოფენჰაიმიდან“ გადაბარგდა „ლაიპციგში.“ ახალგაზრდა ფეხბურთელში 25 მლნ. ევრო გადაიხადეს. აღსანიშნავია, რომ მისდამი დიდ ინტერესს გამოხატავდა „იუვენტუსი,“ თუმცა ამ უკანასკნელმა ბუნდეს ლიგაში დარჩენა არჩია.

რაუმმა შეუცვლელად იასპარეზა მუნდიალის საწყისი ტურის შეხვედრაში იაპონიის წინააღმდეგ. როგორც იწერება, „რეალში“ უკმაყოფილონი არიან ფერლან მენდის თამაშით და არ არის გამორიცხული, ფრანგს გუნდის დატოვება მოუხდეს.

თავად მოთამაშე დიდი სიმპათიებით არის განწყობილი „ბლანკოსის“ მიმართ. ის ერთ-ერთ ინტერვიუში აღნიშნავს - „რა თქმა უნდა, კარი დახურული არ არის. „რეალში“ ბურთაობა ოცნების ტოლფასია. ბედნიერი ვარ „ლაიპციგში,“ თუმცა მადრიდი სხვა სიმაღლეა.“������� dle 10.1������� ������� ������