ტიტეს შეგირდებმა ჯგუფური ეტაპის გახსნით მატჩში დამაჯერებელი გაამრჯვება მოიპოვეს.

ბრაზილიის ეროვნულმა ნაკრებმა რიჩარლისონის დუბლის წყალობით 2-0 დაამარცხა სერბეთი. მუნდიალის სადებიუტო დაპირისპირებაში, ვინისიუსი საწყისი წუთებიდან ირჯებოდა მოედანზე და მეორე გოლის ეპიზოდში, სწორედ მან ჩაითვალა ასისტი. „რეალის“ შემტევი საკმაოდ შთამბეჭდავად გამოიყურებოდა, როგორც ყოველთვის, მეტად აქტიური იყო და არა ერთი წარმატებული დრიბლინგი თუ გადამწყვეტი პასი შეასრულა.

აღსანიშნავია, რომ ვინი 79-ე წუთზე როდრიგო გოეშმა შეცვალა. ამ უკანასკნელმაც ოცნება აიხდინა მუნდიალის შეხვედრაში მონაწილეობის მიღებით. რაც შეეხება ედერ მილიტაოს, ცენტრალური მცველი სათადარიგოდან ადევნებდა თვალს მატჩის პერიპეტიებს.

ბრაზილია: ალისონი; დანილო, ტიაგო სილვა, მარკინიოსი, ალექს სანდრო; პაკეტა (ფრედი 75), კაზემირო; რაფინია (მარტინელი 87), ნეიმარი (ანტონი 79), ვინისიუსი (როდრიგო 79); რიჩარლისონი (გაბრიელ ჟეზუსი 79)
მწვრთნელი: ტიტე

სერბეთი: ვ. მილინკოვიჩ-სავიჩი, მილენკოვიჩი, ველიკოვიჩი, პავლოვიჩი; ჟივკოვიჩი (რადონიჩი 57), ლუკიჩი (ლაზოვიჩი 66), გუდელი (ილიჩი 57), ს. მილინკოვიჩ-სავიჩი, მლადენოვიჩი (ვლაჰოვიჩი 66); ტადიჩი; მიტროვიჩი (მაკსიმოვიჩი 83)
მწვრთნელი: დრაგან სტოიკოვიჩი

გოლები: 1:0 რიჩარლისონი (62), 2:0 რიჩარლისონი (73)